jenubiy déngizda weziyet qaytidin keskinlishishke bashlidi
xitay hökümiti amérika qoghlighuchi paraxotining jenubiy déngizdiki talash-tartishliq taqim arallar jaylashqan jaygha kirishige naraziliq bildürdi.
türkiye awazi radiyosi xewiri: xitay tashqi ishlar ministirliqi jenubiy déngizda taqim aralliri jaylashqan talash-tartishliq déngiz tewelikige ruxsetsiz kirgen amérikining « USS Stethem» namliq qoghlighuchi paraxotni urush ayropilanliri we paraxotlar bilen qarshi alghanliqlirini élan qildi.
xitay tashqi ishlar ministiri lukang bu heqtiki bayanatida: «2-iyul amérikining < USS Stethem> namliq qoghlighuchi paraxoti ruxsetsiz halda taqim arallar jaylashqan déngiz tewelikige kirdi. buninggha qarshi amérika paraxotini agahlandurush we déngiz tewelikimizdin chiqirwétish üchün urush ayropilanlirimizni we paraxotlirimizni yolliduq» dédi.
bayanatchi lukang yene mundaq dédi:
«jenubiy déngizdiki taqim aralliri yiltizidin hésablighanda xitaygha tewe jaydur. amérika yene bir qétim ruxsetsiz halda xitay qanuni we xelqara qanun pirinsiplirigha shundaqlaxitayning igilik hoquqigha qopalliq bilen xilapliq qilip, jenubiy déngizdiki tinchliq, muqimliq we tertipke palta chapqan halda taqim arallar jaylashqan déngizgha kirgen paraxotni ewetti.»
xitayning amérikining herikitini qattiq eyibleydighanliqini we amérika qoghlighuchi paraxotining talash-tartishliq arallar jaylashqan déngizgha kirishini «arallardiki astiqurulmigha we xadimlargha tehdit peyda qilidighan chong siyasiy we herbiy ighwagerchilik» dep qaraydighanliqini bildürdi.
