süriyede 68 kichik bala hayatidin ayrildi
süriyede shenbe (15-aprél) küni qorshawgha astidiki rayonlardin kishilerni tarqaqlashturuwatqan jeryanda yüz bergen hujum netijiside hayatidin ayrilghanlarning sani 126 ge yetti. bularning ichide 68 i kichik bala.
türkiye awazi radiyosi xewiri: süriyede qorshaw astidiki rayonlarda tarqaqlashturush xizmiti waqtinche toxtitildi. qatar bilen iranning muressechilik qilishi bilen tüzülgen kélishimde, beshshar esed terepdarliri turuwatqan ikki rayon we öktichiler turuwatqan ikki rayonda qorshaw astida turuwatqan minglarche ademni özara tarqaqlashturush qarar qilinghan idi. tarqaqlashturush xizmiti shenbe künidiki hujum netijiside toxtitildi. hujum fua we kefreyya rayonidin beshshar esed terepdarliri békette aptobus saqlawatqan waqitta yüz bergen bolup, yéqin jaydiki may qachilash ponkitining partlishi ölüm sanining téximu yuqiri örlishige seweb boldi. hazirche hujumgha héchqandaq teshkilat jawabkar bolidighanliqini jakarlimidi, biraq térrorluq teshkilati daésh yaki fetih elsham teshkilatidin guman qilinmaqta.
hujum yüz bérishtin burun, beshshar esed terepdarliri turuwatqan rayondin 5 ming, öktichiler turuwatqan rayondin 2200 adem tarqaqlashturulghan bolup, beshshar esed terepdarliri helebke, öktichiler terepdarliri idlibqa yétip bardi.
tünügün (16-aprél) 3 ming adem tarqaqlashturulatti. 60 kün ichide axirlishishi perez qilinghan we peydin-pey emelge ashurulidighan tarqaqlashturush xizmiti 30 ming ademni öz ichige alatti.
bu jeryanda, beshshar esed hakimiyiti bilen rusiye hawa hujumlirini dawamlashturmaqta. beshshar esed qisimliri bombardiman sayiside, hama etrapigha jaylashqan istratégiyelik ehmiyetke ige soran bazirini qolgha chüshürdi. öktichiler bolsa, beshshar esed hakimiyitining qol astidiki bir herbiy ayrodurumni rakéta oqi bilen bombardiman qildi.
