amérika daéshqa «pütkül bombilarning anisi» ni tashlidi
amérika armiyesining daéshqa zerbe bérish üchün, dunyaning yadrodin xaliy eng küchlük qorali süpitide layihelengen GBU-43/B namliq bombini ishletkenliki uqturuldi.
türkiye awazi radiyosi xewiri: amérika qoshma ishtatliri mudapie ministirliqi – péntagon, afghanistanda daésh térrorluq teshkilatigha qarshi «yadrodin xaliy eng chong bombisi» GBU-43/B ni ishlitip hawa hujumi élip barghanliqini uqturdi.
amérika armiyesining afghanistan qoral iskilatidiki GBU-43/B, «pütkül bombilarning anisi» hésablinidu.
péntagon teripidin élan qilinghan bayanatta, bombining daésh qoghdiniwatqan bir qatar öngkürlerni yoqitip tashlash üchün ishlitilgenliki eskertilgen halda, «afghanistandiki amérika qoshma ishtatliri küchliri shu jay waqti 19 din 32 minut ötkende daéshning nangarhar wilayitining ashin rayonidiki bir qatar tonéllirigha mudaxile qildi» déyildi.
amérika merkiziy qomandanliq ishtabi, bombini rayondiki amérika we afghanistan qisimlirigha eng az xewp yetküzidighan shekilde pilanlap tashlanghanliqini, puqralargha ziyan yétip qalmasliqi üchün, barliq tedbirlerning yolgha qoyulghanliqini qeyt qildi.
2003 – yilidin bashlap urush qoralliri sépige kirgen GBU-43/B namliq alahide bomba, dunyaning yadrodin xaliy eng küchlük qorali süpitide layihelengen bolup, tunji qétim afghanistanda bir jengde ishlitilgen boldi.
