daniye yaghliq chegküchilerge qarshi éghir setchilikke yol qoydi...
atalmish erkinliklerning merkizi yawropaning islam düshmenlikini arqa körünüsh qilghan cheklimiliri künséri éghirlashmaqta.
türkiye awazi radiyosi xewiri: daniyede yaghliq artidighan ishsizlar, tewsiye qilinghan xizmet orunlirida xojayin telep qilghan teqdirde yaghliqini éliwétishke mejbur bolup, éliwétishni xalimighanlar hem ishtin hem ishsizliq maashidin mehrum qilinidu.
döletning ikki chong sheherlik hökümiti, özlirige tewsiye qilinghan xizmet orunlirida yaghliqini éliwétishni qobul qilmighanlarning ishsizliq maashini toxtitish yolini tutti.
daniye emgek qanunida körsitilishiche, ishchilarning ishchi – xizmetchi tépish organliri körsetken xizmet orunlirini muwapiq yaki emeslikini sürüshte qilmastin qobul qilishi shert qilinidu.
yawropa ittipaqining eng yuqiri derijilik edliye orgini bolghan yawropa edliye diwani (mehkimisi), 14 – martta qarar maqullap, yawropa ittipaqigha eza ellerde xizmet bilen teminligüchilerning «gewdilik shekilde her qandaq bir siyasiy, pelsepi yaki diniy simwolni qollinishi» ni meniy qilalaydighanliqigha höküm qilghanidi.
