latwiye: türkiye nahayiti muhim ittipaqdishimiz
latwiye tashqi ishlar ministirliqi türkiyening latwiyening muhim ittipaqdishi ikenlikini bildürdi.
türkiye awazi radiyosi xewiri: latwiye tashqi ishlar ministirliqi teripidin bu heqte élan qilinghan bayanatta, türkiye bilen latwiye otturisidiki munasiwetlerning yüksek sewiyede ikenliki tekitlinip mundaq déyildi: «ikki dölet medeniyet, maarip, dölet mudapiyesi, bixeterlik we türlük sahelerde özara hemkarliq ornatmaqta. türkiye latwiyening nahayiti muhim ittipaqdishi bolidu. jümlidin, latwiye türkiyening dölitimiz bilen bolghan shimaliy atlantik ehdi teshkilati dairisidiki hemkarliqigha yuqiri baha béridu hemde türkiyening sabiq sowét ittipaqining latwiyeni ishghal qiliwélishini héchqachan qobul qilmighanliqini esla untumaydu.» yene bir tereptin, pétérs karlis latwiyening enqere bash elchisi bolup teyinlendi. latwiye pirézidénti raymonds wéjonis karlisni murasim arqiliq qobul qildi. 1999 – yildin béri latwiye tashqi ishlar ministirliqida ishlep kéliwatqan we washington uniwérsitétini püttürgen karlis 2012 – yildin buyan latwiyening enqere bash elchilik wezipisini ötep kéliwatqan atis sjanitsning ornigha bash elchi bolup teyinlendi.