shiwétsiyede bir jame jamaiti irqchilarning hujumigha uchridi
shiwétsiyening paytexti stokholmda qara kiyimlik bir türküm kishiler jamedin chiqiwatqan jamaetke éghizaki we tash étip hujum qildi.
511301
türkiye awazi radiyosi xewiri: shiwétsiyening aldinqi qatardiki géziti ‹aftonbladét› ning xewirige qarighanda, 50 kishilik qara kiyimlik bir guruppa kishi södérmalm rayonidiki stokholm jamesidin tarqiliwatqan jamaetke irqchi sözlerni qilghan we tash atqan. xewerde, hujumda adem ölüsh yaki yarilinish ehwalining körülmigenliki, saqchilarning weqe üstide tekshürüsh élip bérishni bashlighanliqi bildürüldi.
stokholm saqchi idarisining metbuat ishliri bayanatchisi, neq meydandiki ehwallarni körgen puqralardin yardem telep qildi we hazirghiche birmu ademning nazaret astigha élinmighanliqini qeyt qildi.
