besh ishtat saylimida hilari bilen champ ghelibe qildi
amérikida besh ishtatta ötküzülgen pirézidéntliq teyyarliq saylimida, démokratlardin sabiq tashqi ishlar ministiri hilari klinton, jumhuriyetchilerdin donald champ ghelibiliri bilen alahidi diqqet tartti.
türkiye awazi radiyosi xewiri: amérikining 45 – nöwetlik pirézidéntini belgileydighan 8 – noyabir saylimigha qatnishidighan namzatlar, «xasiyetlik seyshenbe» ning hayajinini bashtin kechürdi.
jumhuriyetchiler bilen démokratlarning pirézidént namzat namzatliri florida, oxayo, missuri we shimaliy karolina qatarliq ishtatlarda wekillerning qollishigha érishish üchün riqabetke chüshti. florida ishtatida ötküzülgen saylamda, démokratlarning namzat namzati hilari klinton reqibi bérni sandérsni 64 awaz üstünlük bilen meghlup qildi.
jumhuriyetchilerning namzat namzati donald champ reqibidin 45 köp awazgha érishti. özining yurti floridada utturup qoyghan jumhuriyetchilerning namzat namzati marko rubiyo saylam paaliyitini toxtitidighanliqini élan qildi.
jumhuriyetchiler pirézidént namzatini 18 – 21 – iyul oxayoda ötküzülidighan qurultayda resmiy jakarlaydu. démokratlar 25 – 28 – iyul pénsilwaniye ishtatida qurultay chaqiridu.
