بیلاروس نے خطے کا استحکام خطرے میں ڈال دیا ہے:نیٹو
نیٹو کے سیکرٹری جنرل ژانز اسٹولٹن برگ نے خبردار کیا ہے کہ یورپی یونین کی مشرقی سرحدوں پر مہاجرین کا بحران ختم نہیں ہوا ہے
1740554
نیٹو کے سیکرٹری جنرل ژانز اسٹولٹن برگ نے خبردار کیا ہے کہ یورپی یونین کی مشرقی سرحدوں پر مہاجرین کا بحران ختم نہیں ہوا جبکہ بیلاروس نے خطے کا استحکام خطرے میں ڈال دیا ہے۔
نیٹو وزرائے خارجہ کے دو روزہ اجلاس کے لیے لاٹویا کے دارالحکومت ریگا میں موجود اسٹولٹن برگ کا کہنا تھا کہ اب بھی غیرقانونی تارکین وطن بیلاروس سے یورپی یونین کی رکن ریاستوں میں داخلے کی کوشش کر رہے ہیں۔
اسٹولٹن برگ نے کہا کہ اس حوالے سے شدت یقیناً کم ہوئی ہے تاہم یہ کہنا قبل از وقت ہو گا کہ یہ بحران ختم ہو گیا ہے۔
واضح رہے کہ حالیہ کچھ ہفتوں میں عراق، یمن، شام، افغانستان اور ایران سے تعلق رکھنے والے سینکڑوں تارکین وطن بیلاروس سے یورپی یونین میں داخلے کی کوشش میں ہیں۔