فخر الدین آلتون کا ترکی اور الجزائر کے درمیان طے پانے والے معاہدوں کے بارے میں جائزہ
آلتون نے اپنے سوشل میڈیا اکاؤنٹ پر اپنی پوسٹ میں کہا کہ دارالحکومت انقرہ میں صدر ایردوان اور الجزائر کے صدر عبدالمجید تبون کی موجودگی میں کان کنی، ماحولیات، تعلیم، ثقافت اور دفاعی صنعت کے شعبوں میں کئی معاہدوں پر دستخط کیے گئے
صدر کے اطلاعاتی امور ڈائریکٹر فخر الدین آلتون نے کہا کہ صدر رجب طیب ایردوان کی سرکردہ سفارت کاری کی بدولت ترکی اور اس کے ادارے روز بروز مضبوط ہو رہے ہیں۔
فخر الدین آلتون نے ترکی اور الجزائر کے درمیان طے پانے والے معاہدوں کے بارے میں جائزہ لیا۔
آلتون نے اپنے سوشل میڈیا اکاؤنٹ پر اپنی پوسٹ میں کہا کہ دارالحکومت انقرہ میں صدر ایردوان اور الجزائر کے صدر عبدالمجید تبون کی موجودگی میں کان کنی، ماحولیات، تعلیم، ثقافت اور دفاعی صنعت کے شعبوں میں کئی معاہدوں پر دستخط کیے گئے جن سے دونوں ممالک کے درمیان تعلقات مزید مضبوط ہوں گے۔
انہوں نے کہا کہ ان معاہدوں میں سے ایک کا تعلق میڈیا اور کمیونیکیشن کے شعبے سے ہے، آلتون نے خواہش ظاہر کی کہ یہ معاہدے دونوں ممالک کے لیے خوش آئند ہوں گے۔
انہوں نے کہا کہ اس وقت جب کہ پوری دنیا بحرانوں سے نبردآزما ہے، ترکی کے دیگر ممالک کے ساتھ طے کردہ معاہدے ترک صدر کی کامیاب قیادت کی بدولت ہیں۔ ہمارا ملک اور ہمارے ادارے دونوں ان معاہدوں کے نتیجے میں دن بدن مضبوط ہو رہے ہیں۔ ہمارے صدر کی قیادت کی سفارت کاری، اصولی خارجہ پالیسی پر اعتماد سے دونوں ممالک کے رہنماؤں کے ساتھ دو طرفہ تعلقات کو مزید مضبوط بنایا ہے۔
متعللقہ خبریں
ترک وزیر خارجہ 19 تا 20 مئی پاکستان کا سرکاری دورہ کریں گے
ذاکرات میں دو طرفہ تعلقات سمیت علاقائی و عالمی پیش رفت کے حوالے سے تبادلہ خیال کیا جائیگا