ترک اور پاکستانی ٹیکنالوجی کمپنیوں پر مبنی پاکستان ٹیکنالوجی سمٹ استنبول میں منعقد ہوا

ترکی اور پاکستان کی ٹیکنالوجی کمپنیوں کو یکجا کرنےو الا  پاکستان ٹیکنالوجی سمٹ (پاک ٹیک سمٹ) استنبول میں منعقد ہوا۔

خطیطی کمپیوٹرز (خطیط  بلگیاسر) کی طرف سے جاری کردہ بیان کے مطابق امریکہ اور ناروے کی سلیکون ویلی کے بعد تیسری مرتبہ ترکی میں منعقد ہونے والے اس سمٹ میں پاکستان اور ترکی کے سرکاری حکام کے علاوہ کاروباری شخصیات، ٹیکنالوجی کے ماہرین، دونوں ممالک کے انٹرپرینیورشپ سینٹر کے نمائندے شامل ہوئے۔

ترکی اور پاکستان کے درمیان تعاون کو بڑھانے اور ترکی کی صنعت کاری اور ٹیکنالوجی کے ایکو سسٹم اور پاکستان کی کاروباری دنیا کے درمیان روابط قائم کرنے کے لیے منعقد ہونے والی اس سمٹ کا انعقاد استنبول کی صباحتین زیم یونیورسٹی میں کیا گیا۔

مہمت فتح کاجر، نائب وزیر صنعت و ٹیکنالوجی، عاطف خان، پاکستان کے سینئر وزیر برائے سائنس و ٹیکنالوجی اور خوراک بلال خان، استنبول میں پاکستان کے قونصل جنرل، اور استنبول صباحتین زیم یونیورسٹی کے ڈین پروفیسر۔ ڈاکٹر مہمت بولوت کی شرکت میں 250 سے زائد کاروباری اور ٹیکنالوجی کمپنیاں یکجا ہوئیں۔

تقریب میں اپنے خطاب میں نائب وزیر کاجر نے ترکی کی تحقیق و ترقی (R&D) اور اختراعی سرمایہ کاری اورشعبہ ٹیکنالوجی پیشرفت کے بارے میں بات کی اور دونوں ممالک کے مابین تعلقات پر روشنی ڈالی۔

پاکستان کی قومی فضائی کمپنی پاکستان انٹرنیشنل ایئر لائنز (پی آئی اے) کے ایوی ایشن ٹیکنالوجی کے عمل کا انتظام کرنے والے خطیطی کمپیوٹرز کے حکام نے ٹیکنالوجی کے شعبے میں دونوں ممالک کے اسٹریٹجک شراکت داروں کو اپنی کاروائیوں کے بارے میں آگاہی کرائی۔

اس تقریب میں، یونین آف چیمبرز اینڈ کموڈٹی ایکس چینجز آف ٹرکی کی جانب سے ای کامرس کونسل کے صدر اوزان آکار، Hitit Air Cargo اور Innovative Solutions کے صدر Atilla Lise، Paycell کے سی ای ای اونرگیون، 500 Startups استنبول کے شریک بانی انیس  ہلی اور ٹیکنالوجی کے میدان میں سرکاری، نجی شعبے اور غیر سرکاری تنظیموں کی نمائندگی کی۔

پاکستان کی جانب سے حصہ لینے والوں میں پاکستان کے وفاقی وزیر سائنس و ٹیکنالوجی شبلی فراز، جے ایس بینک کے ڈپٹی جنرل منیجر برائے ڈیجیٹل بینکنگ (سی ڈی او) نعمان اظہر، جے ایس بینک کے ڈپٹی جنرل منیجر برائے سرمایہ کاری (سی آئی او) اسد ناصر کے نام شامل تھے۔