شام، روسی لڑاکا طیاروں کے ادلیب پر حملوں میں 3 شہری ہلاک، 6 زخمی
وزیشن ایئر کرافٹ آبزرویٹری سے موصول ہونے والی معلومات کے مطابق لازقیہ کے حمیمیم ایئر بیس سے روانہ ہونے والے 2 روسی جنگی طیاروں نے ادلیب پر 4 فضائی حملے کیے
شام کے شمال مغربی صوبے ادلیب کے گاؤں عین شیب پر روسی جنگی طیاروں کے فضائی حملے میں 3 شہری ہلاک اور 6 زخمی ہوگئے۔
اپوزیشن ایئر کرافٹ آبزرویٹری سے موصول ہونے والی معلومات کے مطابق لازقیہ کے حمیمیم ایئر بیس سے روانہ ہونے والے 2 روسی جنگی طیاروں نے ادلیب پر 4 فضائی حملے کیے۔
شام کے سول ڈیفنس سے موصولہ اطلاعات کے مطابق عین شیب گاؤں میں بستیوں پر فضائی حملوں میں 3 شہری ہلاک اور 6 زخمی ہوگئے۔
زخمیوں کا قریبی اسپتالوں میں علاج جاری ہے۔
2017 میں آستانہ کے اجلاس میں، ترکیہ، روس اور ایران نے شامی انتظامیہ کے کنٹرول میں نہ آنے والے علاقے میں 4 "ڈی اسکیلیشن زونز" بنانے کا فیصلہ کیا۔
دمشق انتظامیہ، ایران کے حمایت یافتہ دہشت گردوں اور روس نے اپنے حملے جاری رکھے، 4 میں سے 3 علاقوں پر قبضہ کر لیا اور ادلب کی طرف بڑھ گئے۔
اگرچہ ترکیہ نے ستمبر 2018 میں روس کے ساتھ جنگ بندی کو مضبوط کرنے کے لیے ایک اضافی معاہدہ کیا تھا، لیکن مئی 2019 میں حملوں میں دوبارہ شدت آگئی۔ ترکیہ اور روس کے درمیان 5 مارچ 2020 کو ہونے والے نئے معاہدے کے بعد جنگ بندی بڑی حد تک محفوظ ہے۔
