امریکہ کی طرف سے ترکی کو 98 ویں یومِ جمہوریہ کی مبارکباد

امریکہ کے وزیر خارجہ انتھونی بلنکن نے جمہوریہ ترکی کے قیام کی 98 ویں سالگرہ کے موقع پر جاری کردہ تہنیتی پیغام میں کہا ہے کہ " اس اہم دن کے موقع پر ہم آپ کو قلبی مبارکباد پیش کرتے اور آنے والے سالوں میں باہمی اتحاد میں فروغ کے بے صبری سے منتظر ہیں"۔

بلنکن نے کہا ہے کہ " جمہوریہ ترکی کے قیام کی 98 ویں سالگرہ کے موقع پر میں امریکہ کی طرف سے ترک عوام کو مبارکباد پیش کرتا ہوں۔ ترکی ایک اہم نیٹو رکن اور امریکہ کا اتحادی ہے۔ ترکی نے سالوں سے جاری گلوبل مسائل میں امریکہ اور بین الاقوامی برادری کے ساتھ مل کر قدم اٹھایا ہے۔ ترکی اور امریکہ کے درمیان دیرینہ دو طرفہ تعلقات تجارت، سلامتی اور سفارتی تعاون پر قائم ہیں"۔

بلنکن نے کہا ہے کہ "ترکی اور امریکہ کے درمیان نسلوں سے جاری باہمی تعلقات ایک اہم اور سنجیدہ قدرو قیمت کے حامل ہیں۔ اس اہم دن کے موقع پر ہم آپ کو دِلی مبارکباد پیش کرتے اور آنے والے سالوں میں باہمی اتحاد کو فروغ دینے کے بے صبری سے منتظر ہیں"۔