مالی میں اقوام متحدہ کی امن فوج پر حملہ،3اہلکار ہلاک
مغربی افریقی ملک مالی میں اقوام متحدہ کے امن فوجیوں کے ایک قافلے پر حملے کے نتیجے میں تین اہلکار مارے گئے ہیں
1563435
مغربی افریقی ملک مالی میں اقوام متحدہ کے امن فوجیوں کے ایک قافلے پر حملے کے نتیجے میں تین اہلکار مارے گئے ہیں۔
ابتدائی اطلاعات کے مطابق ان تینوں فوجیوں کا تعلق آئیوری کوسٹ سے تھا۔
اقوام متحدہ کے امن فوجیوں پر گھات لگا کر حملہ کیا گیا جبکہ زخمی فوجیوں کی تعداد 6 بتائی گئی ہے۔
ابھی تک ٹمبکٹو میں ہونے والے اس حملے کی کسی بھی گروپ نے ذمہ داری قبول نہیں کی ہے۔ اس علاقے میں اقوام متحدہ کے مینوسما نامی مشن کو خطرناک قرار دیا جاتا ہے۔
واضح رہے کہ سن 2013 سے اس مشن کے دوران 230 سے زائد امن فوجی مارے جا چکے ہیں۔