Erdogan "Zenanlara edilýän zuluma garşy halkara göreş güni" mynasybetli ýüzlenme çap etdi

Prezident Rejep Taýýip Erdogan: "25-nji noýabr Zenanlara edilýän zuluma garşy halkara göreş gününiň iň başda ynanjymyzyň, medeniýetimiziň, gymmatlyklarymyzyň öňünde päsgelçilik bolup duran bu meseläniň dolulygyna ortadan aýrylmagyna itergi bermegini dileýärin" diýip belledi. 

Prezident Erdogan 25-nji noýabr "Zenanlara edilýän zuluma garşy halkara göreş güni" mynasybetli özüniň Twitter hasabyndan ýüzlenme çap etdi. 

Prezident Erdogan: "Bir ynsanyň zenana garşy edýän zulumy gynansagam bütin dünýäniň meselesidir. Ýatdan çykarmalyň, zenanlara edilýän zuluma garşy göreş şol bir wagtda enelerimiziň, aýallarymyzyň, gyzlarymyzyň hakyny, hukugyny, abraýyny goramagyň göreşidir. Bu mesele ähli gatlaklaryň ynanjy, tagallasy we ylalaşygy esasynda ortadan aýrylmagy mümkindir" diýip nygtady. 

Prezident Erdogan zenanlara edilýän zuluma garşy göreşde tutanýerlidiklerini bellän beýanatynda: "Şu günki güne çenli zenanlaryň ähli ugurlardaky öz haklaryny goramak ugrundaky göreşlerinde hemişe ýanlarynda boldyk, mundan soň hem zenanlaryň ýanynda bolmaga dowam ederis. Zenanlara edilýän zulumy, ynsan we ahlak gymmatlyklarymyzy güýçlendirip, nesip bolsa dolulygyna ortadan aýyrarys. Biz şol ugurda tutanýerlidiris" diýip habar berdi.