Erdogan sil apatynyň zyýan ýetiren ýerlerini tebigy betbagtçylyk zolagy hökmünde yglan eder
Prezident Rejep Taýýip Erdogan, Düzje, Rize we Artwin welaýatlarynyň sil apatynyň zyýan ýetiren etraplarynyň we obalarynyň tebigy betbagtçylyk zolagy hökmünde yglan ediljekdigini mälim etdi
Prezident Erdogan özüniň Twitter hasabyndan soňky günlerde başdan geçirilen sil apatlary bilen bagly beýanat berdi.
Rize, Artwin we Düzje welaýatlarynda başdan geçirilen sil apatlarynyň ýetiren zyýanlaryny ortadan aýyrmak üçin gerek bolan ädimleri etmäge dowam edýändiklerini aýdan Prezident Erdogan, ady agzalan 3 welaýatyň sil apatynyň zyýan ýetiren etraplarynyň we obalarynyň tebigy betbagtçylyk zolagy hökmünde yglan ediljekdigini habar berdi.
Erdogan tebigy betbagtçylyk zolagy hökmünde yglan edilen ýerlerde salgytlaryň, Sosial howpsuzlyk edarasynyň tölegleriniň we potratçylaryň karz tölegleriniň yza süýşüriljekdigini, iş ýerlerine we ulaglaryna zyýan ýeten adamlara bolsa goldawlaryň beriljekdigini aýan etdi.
Degişli Habarlar
Türkiye, Çiliniň kararyna reaksiýa bildirdi
Türkiye, Çiliniň 1915-nji ýyldaky wakalary "genosid" hökmünde ykrar eden kararyna reaksiýa bildirdi
TRT-niň Ispan Dilindäki Digital Ýaýlymlary Başlaýar
Ertir TRT-niň Ispan dilindäki digital ýaýlym platformasy tanyşdyrlar