Türkiýe Owganystanda guralan terrorçylykly hüjümi ýazgardy
Türkiýe Owganystanyň paýtagty Kabul şäherinde mekdepleriň biriniň öňünde bomba ýüklenen ulag bilen guralan terrorçylykly hüjümi berk ýagdaýda ýazgardy
Türkiýäniň Daşary işler ministrliginden berilen ýazmaça beýanatda, Owganystanyň paýtagty Kabul şäheriniň Daşti Barçi diýilen ýerinde düýn mekdepleriň biriniň öňünde agzaçar berilýän mahaly bomba ýüklenen ulag bilen guralan terrorçylykly hüjümde aralarynda mekdep okuwçylaryň hem bolan azyndan 30 adamyň ýogalandygy we 50-den gowrak adamyň ýaralanandygy baradaky habaryň uly gynanç bilen alynandygy mälim edildi.
Beýanatda: "Mübärek Gadyr gijesinde bu rehimsiz terrorçylykly hüjümi berk ýagdaýda ýazgarýarys, jogapkärleri näletleýäris we adaladyň öňünde hasap berjekdiklerine ynanýarys" diýip habar berildi.
Terrorçylykly hüjümde ýogalan adamlara rehnet we ýaralananlara bolsa şypa dilenen beýanatda, dostlukly we doganlyk Owganystanyň halkyna we hökümetine Türkiýäniň çuňňur gynanç bildirýändigi bellendi.
Degişli Habarlar
Türkiye, Çiliniň kararyna reaksiýa bildirdi
Türkiye, Çiliniň 1915-nji ýyldaky wakalary "genosid" hökmünde ykrar eden kararyna reaksiýa bildirdi
TRT-niň Ispan Dilindäki Digital Ýaýlymlary Başlaýar
Ertir TRT-niň Ispan dilindäki digital ýaýlym platformasy tanyşdyrlar