Eýranda 19 Ýaşyndaky Ýigide Berlen Ölüm Jezasy Tassyklandy

Eýranda birnäçe aýdan bäri dowam edýän protest ýörişlerinde howpsyzlyk işgärini ýaralandygy we döwletiň emlagyna zeper ýetirendigi sebäpli ölüm jezasy berlen ýene-de bir adamyň jezasy tassyklandy.

Eýranyň Mizan habarlar gullugy, 19 ýaşyndaky Muhammed Buruga berlen ölüm jezasynyň Ýokary kazyýet tarapyndan tassyklanandygyny habar berdi.

Habarda, paýtagt Tährandaky protest ýörişlerinde saklanan Buruga howpsyzlyk işgärini ýaralandygy we döwletiň emlagyna zeper ýetirendigi sebäpli 29-njy oktýabrda Ynkylap kazyýeti tarapyndan ölüm jezasynyň berlendigi ýatladyldy.

Beýleki tarapdan Halkara günä geçişlik guramasy Buruganyň jezasynyň Ýokary kazyýet tarapyndan tassyklanmagyny ýazgardy.

Tähranda 13-nji senýabrda “ahlak polisi” hökmünde bilinýän İrşad patrullary tarapyndan saklanandan soň ýagdaýy agyrlaşan we hassahanada bejergi astyna alynan 22 ýaşyndaky Mahsa Emininiň 16-njy sentýabrda aradan çykmagy ýurtda protest ýörişleriniň başlamagyna sebäp bolupdy.

Ýurtda 110 günden bäri dowam edýän Mahsa Emini ýörişleri bilen arabaglanlyky häzire çenli ölüm jezasy berlen 11 adamdan 2-si asylyp öldürildi.