قیرقیزیستاندان وطنداشلارینا روسیا اویاریسی

قیرقیزیستان، روسیادا ترور ائیلمی تشکیل ائتمک اوچون سوسیال شبکه‌لر و تانیش اولما سایتلاری اوزریندن وطنداشلارینین قانع ائدیلمه‌یه چالیشیلدیغی قونوسوندا اویاردی.

اؤلکه یؤنه‌تیمی، وطنداشلاری دقتلی اولماغا و تخریباتلارا قاپیلماماغا چاغیردی.

قیرقیزیستان ایش، سوسیال گوونلیک و کؤچ باخانلیغی،

"روسیاداکی نماینده‌لیگیمیز، سوسیال شبکه‌لر و تلگرام کیمی یایغین ارتباط پروگراملاری (مسنجر) اوزریندن رشید اولمایانلار داخیل وطنداشلاریمیزین روسیا سرحدلرینده ترور حرکتلرینه قاتیلمالاری اوچون آکتیو شکیلده قانع ائدیلمه‌یه چالیشیلدیغی قونوسوندا اویاریر" آچیقلاماسینی وئردی.

تبلیغاتی ائد‌نلرین، چتین دؤنملردن گئچه‌ن و دپرشن‌ده‌ اولان شخصلری سئچدیگی بیلدیریلدی. پتانسل ائیلمچیلرین سئچیمی اوچون یازیشمالاری آنالیز ائدیلیر.

دینی، مد‌نی و میللی عایدیتلری ده گؤز اؤنونه آلینان فاکتورلار آراسیندادیر.

قیرقیز باخانلیق آیریجا روسیادا یاشایان یا دا گئچیجی اولان وطنداشلارینا شبهه‌لی سوسیال فعالیتلره قاتیلماما، سوسیال شبکه‌لر اوزریند‌ن ایش مراجعتی ائتمه‌مه، اوشاقلارینین حرکتلرینی کنترل ائتمه چاغریسی ائتدی.

روسیا دؤولت باشقانلیغی سارایی کرملین سؤزچوسو دمیتری پئسکوو، تلگرامین قوروجوسو پاوئل دورووون دقتینی مسنجرین تروریستلر طرفیندن ایستیفاده‌سینه چکمیشدی.

بو مؤوضوع، کروکوس سیتی هول‌دا‌کی ائیلمی گئرچکلشدیرن سوچلولاردان بیرینین امری تلگرامد‌اکی بیر "واعظ کؤمکچیسیندن" آلدیغینی سؤیله‌مه‌سی اوزرینه گوندمه گلمیشدی.