ایلهام علی یئو و صادیر جاپاروو ایله گوروشوب
آذربایجان پرزیدنتی ایلهام علی یئو و قیرغیزیستان پرزیدنتی سادیر جاپاروو آغدامدا اینشا اولوناجاق مکتبین تملینی قویدولار.
آذربایجان پرزیدنتی ایلهام علی یئو و قیرغیزیستان پرزیدنتی صادیر جاپاروو ارمنیستانین ایشغالیندان آزاد ائدیلمیش آغدام شهرینین خیدیرلی کندینده قیرغیزیستان طرفیندن تیکیلهجک مکتبین تملینی قویوبلار.
اؤتن گون پایتاخت باکی-دا ایلهام علی یئو ایله گؤروشن صادیر جاپاروو دونن فضولیگه گئدیب. ارمنیلرین ایشغالی دؤورونده فضولی شهرینده حیاتا کئچیریلن داغینتیلارلا تانیش اولان ایلهام علی یئو و صادیر جاپارووا بورادا آپاریلان یئنیدن قورما ایشلری بارهده معلومات وئریلیب.
دؤولت باشچیلاری داها سونرا آغدام شهرینه گئدیب، بوراداکی تاریخی عابدهلری زیارت ائدیب، تیکینتی و آبادلیق ایشلری ایله تانیش اولوبلار. لیدرلر برپا اولونموش تاریخی آغدام جومه مسجیدینین آچیلیشیندا دا ایشتیراک ائدیبلر.
آغدامین خیدیرلی کندینه ده گئدن ایلهام علی یئو و صادیر جاپاروو بورادا قیرغیزیستان طرفیندن اینشا اولوناجاق مکتبین تملینی ده قویوبلار.