باکیدا ۱۹۱۵ حادثهلری ایله باغلی کنفرانس تشکیل ائدیلدی
''تورکیهنی سوچلایان فرانسا، اصل سویقیریم ائدن اؤلکهدیر. ۱۹۹۴ده روآندادا ۸۰۰ مین اینسانی، الجزایر ایشغالیندا بیر میلیون یاریم اینسانی قتل ائتمیشدیر"
آذربایجانین باشکندی باکیدا، ۱۹۱۵ حادثهلرینی اله آلان اولوسلارآراسی بیر کنفرانس تشکیل ائدیلدی.
کنفرانسدا، باتینین اساسسیز ادعالاری آرشیو سندلری ایله چورودولدو.
کنفرانسدا تاریخی حادثهلرین تحریف ائدیلهرک سیاسته داشینماسی تنقید اولوندو.
آذربایجان اقتصاد اونیوئرسیتهسی ایله آنکارا حاجتتپه اونیوئرسیتهسی امکداشلیغیندا تشکیل ائدیلهن کنفرانسدا، ارمنی لوبیسنین ادعالارینین حقوقی دایاغینین اولمادیغی وورغولاندی.
تورکیهنین 'تاریخ کمیسیونو' تکلیفینه جاواب آلابیلمهمهسی ده بونا نومونه گؤستریلدی.
تورکیهنین باکی ائلچیسی دکتر جاهید باغجی،
"۲۰۰۵.جی ایلده تورکیه ۱۹۱۵ حادثهلرینی آراشدیراجاق اورتاق بیر تاریخ کمیسیونو قورولماسینی تکلیف ائتمیشدیر. ارمنی طرفی بو تکلیفیمیزی هله ده مثبت بیر جاواب وئرمهمیشدیر" دئدی.
کنفرانسدا، حادثهلرین تحریف ائدیلهرک سیاسته داشینماسی تنقید اولوندو. باتینین ائتدیگی سویقیریملار خاطیرلادیلدی.
آذربایجان اقتصاد اونیوئرسیتهسی رئیسی پروفسور دکتر عدالت مورادوو،
''تورکیهنی سوچلایان فرانسا، اصل سویقیریم ائدن اؤلکهدیر. ۱۹۹۴ده روآندادا ۸۰۰ مین اینسانی، الجزایر ایشغالیندا بیر میلیون یاریم اینسانی قتل ائتمیشدیر. آنجاق بو مسئلهلری اصلا گوندمه گتیرمزلر" دئیه دانیشدی.
کنفرانسدا، باتینین اساسسیز ادعالاری سندلرله چورودولدو.
ایلگیلیلی خبرلر
ییلماز:"تورکیه-اؤزبکیستان تیجارت حجمینده هدفه یاخینلاشیریق"
تورکیه-اؤزبکیستان تیجارت حجمینده 5 میلیارد دولارلیق هدفه یاخینلاشیریق.