تۆرک اکینچیلیک باخانلاری قازاقیستاندا توپلاندی
سپتامبر ۲۰۲۴دن اعتباراً بیر ایللیک دؤنم اوچون قازاقیستانین تاراز شهری "تۆرک دؤولتلری تشکیلاتی اکینچیلیک باشکندی" اعلان ائدیلدی
تۆرک دؤولتلری تشکیلاتی عضوو اؤلکه‌لرین اکینچیلیک باخانلارینین اوچونجو ییغینجاغی، قازاقیستانین تاراز شهرینده ائدیلدی.
قازاقیستان اکینچیلیک باخانی آیداربک ساپارووون ائو صاحیبلیگینده تشکیل ائدیله‌ن ییغینجاغا، آذربایجان اکینچیلیک باخانی مجنون محمدوو، اؤزبکیستان اکینچیلیک باخانی ابراهیم عبدرحمانوو، قیرقیزیستان اکینچیلیک باخانی بیرینجی کؤمکچیسی کوبات کاسئینوو و تۆرکیه اکینچیلیک و اورمان باخان کؤمکچیسی ابوبکر گیزلی‌گیدر ایله تۆرک دؤولتلری تشکیلاتی باش کاتیبی کوبانیچ‌بک عؤمورعلییئو قاتیلدی.
ساپاروو، ییغینجاغین آچیلیشینداکی دانیشماسیندا، قازاقیستانین توپلام تیجارت گلیرینین یوزده ۲۸ینین تۆرک دؤولتلری تشکیلاتینا عضو اؤلکه‌لره عاید اولدوغونو ایفاده ائدرک، "قازاقیستان اوتلاق ساحه باخیمیندان دونیانین ۵.جی اؤلکه‌سیدیر. حیوانچیلیق بیزیم اوچون هم گله‌نکسل هم ده گله‌جک وعد ائد‌ن بیر بؤلومدور. بو سببدن ه حیوانچیلیق محصوللارینین ساتیشینا اؤنجه‌لیک وئریریک. بو چرچیوه‌‌ده، قازاقیستانین اؤزبکیستان، تۆرکیه، تۆرکمنیستان و ماجاریستان بازارلارینا یوکسک کیفیت‌لی ات محصوللاری تداروک گؤرمه‌یه حاضر اولدوغونو ایفاده ائتمک ایسته‌ییرم" دئدی.
تۆرک دؤولتلری تشکیلاتی باش کاتیبی عؤمورعلییئو ده ییغینجاغین، اکینچیلیک بؤلومونده عضو اؤلکه‌لر آراسیندا امکداشلیغین گوجلندیریلمه‌سینین یانیندا تۆرک خالقلارینا استقرار‌لی و گۆونلی غذا تداروکونون تامین ائدیلمه‌سی باخیمیندان دا اؤنملی اولدوغونو دیله گتیردی.
تۆرک دؤولتلری تشکیلاتی چرچیوه‌سینده اکینچیلیک صنایع مجتمعینین گلیشدیریلمه‌سی قونوسونون موذاکیره ائدیلدیگی ییغینجاق سونوندا عضو اؤلکه‌لر اورتاق بیلدیری ایمضالادی.
بیلدیریده، طرفلرین آیرینتیلی شکیلده فیکیر آلیش وئریشی ائدرک اکینچیلیک محصوللاریندا قارشیلیقلی تیجارتین آرتیریلماسی، اکینچیلیک سیغورتاسی پروگراملارینین تشویق ائدیلمه‌سی و ایلگیلی بؤلومده آراشدیرما ساحه‌سینده امکداشلیغین گئنیشلدیلمه‌سی قونولاریندا آنلاشمایا واردیقلاری ایفاده ائدیلدی.
یئرلی و ایقلیمه دایانیقلی اکینچیلیک محصول چئشیدلرینین قورونماسی و یاییلماسی اوچون بؤلگه‌سل بیر توخوم بانکی یارادیلماسینا دایر ایشلرین داوام ائتدیریلمه‌سینین اؤنمینه توخونولدوغو بیلدیریله‌ن بیلدیرده، بونون یانیندا تۆرک دؤولتلری تشکیلاتی عضولری آراسیندا اورتاق دیجیتال بیر اکینچیلیک بیلگی پلتفورمونون یاولوشدورولماسینی سرعتله‌ندیرمه قونوسوندا آنلاشما اولدوغو قید ائدیلدی.
بیلدیریده، سپتامبر ۲۰۲۴دن اعتباراً بیر ایللیک دؤنم اوچون قازاقیستانین تاراز شهرینین "تۆرک دؤولتلری تشکیلاتی اکینچیلیک باشکندی" اعلان ائدیلمه‌سی و بیر سونراکی اکینچیلیک باخانلاری ییغینجاغینین دا قیرقیزیستانین چولپان آتا شهرینده تشکیل ائدیلمه‌سینه قرار وئریلدیگی ایفاده ائدیلدی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
