قازاقیستان‌دا پاتلاما

قازاقیستانین ۳ ان بؤیوک نفت یاتاقلاریندان بیری اولان تنگیزده باش وئره‌ن پاتلاما‌دا ۲ ایشچی اؤلدو، ۳ نفر یارالاندی.

قازاقیستانین آتیراو بؤلگه‌سی عاجیل دوروملار بؤلوموندن وئریله‌ن آچیقلامادا، اؤلکه‌نین باتیسینداکی آتیراو ایالتی سرحدلرینده یئر آلان تنگیز نفت یاتاغیندا پاتلاما باش وئردیگی بیلدیریلدی.

آچیقلامادا، پاتلامانین بورو کمرینده‌کی هیدرولیک سیناق زامانی فلنج باغلانتیسینین پوزولماسی نتیجه‌سینده باش وئردیگی، ۲ ایشچینین اؤلدوگو، بیری آغیر اولماقلا ۳ نفرین یارالاندیغی قید ائدیلدی.

آتیراو بؤلگه‌سی پلیس شعبه‌سی ایسه حادثه ایله باغلی قازاقیستان جزا قانونونون "ایش قوراللارینین پوزونتوسو" ماده‌سی ایله آراشدیرما باشلادیلدیغینی آچیقلادی.