تورکیه‌دن اؤزبکیستانا چاغری
"اورتاق مدنیت، کولتور و تاریخی باغلاریمیز اولان، استراتژیک اورتاغیمیز، دوست و قارداش اؤزبکیستانین ثابیتلیک و رفاهینا بؤیوک اؤنم وئریریک"
تورکیه‌دن اؤزبکیستانا ساغ‌دویو چاغریسی...
خاریجی ایشلر باخانلیغی، اؤزبکیستانین قاراقالپاقستان اؤزارک جمهوریتینده باش وئره‌ن حادثه‌لرله باغلی،
"اؤزبکیستان یؤنتیمی و خالقینین حادثه‌لری ساغ‌دویو و باریش شرایطینده حل ائدجگینه اینانجیمیز تامدیر" ایفاده‌لرینی ایشلتدی.
باخانلیقدان وئریله‌ن یازیلی آچیقلامادا، اؤزبکیستانین قاراقالپاقیستان جمهوریتینده باش وئره‌ن حادثه‌لرین یاخیندان ایزلندیگی بیلدیررک،
"اورتاق مدنیت، کولتور و تاریخی باغلاریمیز اولان، استراتژیک اورتاغیمیز، دوست و قارداش اؤزبکیستانین ثابیتلیک و رفاهینا بؤیوک اؤنم وئریریک" دگرلندیرمه‌سینه یئر وئریلدی.
حادثه‌لرده حیاتینی ایتیره‌نلره رحمت، یارالیلارا ایسه شفا آرزولانان آچیقلامادا،
"اؤزبکیستان یؤنتیمی و خالقینین حادثه‌لری ساغ‌دویو و باریش شرایطینده حل ائدجگینه اینانجیمیز تامدیر" دئییل‌دی.
۱ جولایدا اؤزبکیستان آنایاساسیندا قاراقالپاقیستان اؤزارک جمهوریتینین ایستاتوسو ایله باغلی ماده‌لرین دییشدیریله‌جگی حاقیندا بعضی تکلیفلرین گوندهمه گلمه‌سی ایله قاراقالپاقستان‌دا اعتراضلار باشلامیشدی.
بونون اوزرینه اؤزبکیستان جمهورباشقانی شؤوکت میرضیایئو، گؤستریلرین داوام ائتدیگی نوکوس شهرینه گئدیب، وطنداشلارلا بیر آرایا گلدی و قاراقالپاقیستانین ایستاتوسونون دییشدیریلمه‌یه‌جگینی آچیقلادی.
گؤستریلر داوام ائتمه‌سی اۆزرینه، میرضیایئوین امضالادیغی قرارنامه ایله قاراقالپاقیستان اؤزارک جمهوریتینده ۲- آگوستا دک اولاغان اوستو حال اعلان ائدیلدی.
اؤزبکیستان باش ساوچیلیغی حادثه‌لرده ۱۸ نفرین اؤلدوگو، ۲۴۳ نفرین یارالاندیغینی، ۵۱۶ نفرین گؤزآلتینا آلیندیغینی آچیقلامیشدی.
