قالخینما یولو پروژه‌سی و زنگه‌زور دالانی چالیشمالاری باشلادی
"تورکیه‌نین یئنی ایپک یولو اولاجاق قالخینما یولو پروژه‌سی و زنگه‌زور کوریدورو چرچیوه‌سینده پلانلانان قورو و دمیر یوللاری اوچون ایشلریمیزی باشلاتدیق"
اولاشدیرما و آلت‌یاپی باخانی عبدالقادیر اورال‌اوغلو، تورکیه‌نین یئنی ایپک یولو اولاجاق قالخینما یولو پروژه‌سی و زنگه‌زور دالانی چرچیوه‌سینده پلانلانان قورو و دمیر یوللاری اوچون چالیشمالاری باشلاتدیقلارینی سؤیله‌دی.
اورال‌اوغلو، باشکند آنکارادا قورویوللاری باش مودورلوگونده بیر مراسیمده‌کی دانیشماسیندا، اولوسلارآراسی استاندارد‌دا یول شبکه‌سی ایله قوزئیی-گونئییه، دوغونو-باتییا باغلادیقلارینی ایفاده ائتدی.
اورال‌اوغلو بئله دانیشدی:
"تورکیه‌نین یئنی ایپک یولو اولاجاق قالخینما یولو پروژه‌سی و زنگه‌زور کوریدورو چرچیوه‌سینده پلانلانان قورو و دمیر یوللاری اوچون ایشلریمیزی باشلاتدیق. هیندیستان، دوغو آسیا و بصره کؤرفزی اوزریندن عراقا گله‌جک یۆکلری، دمیر یولو و قورو یولو باغلانتیسی ایله آوروپایا چاتدیراجاق پروژه‌لرین گئنیش بیر جغرافیایا فایدا وئره‌جگینی اؤن گؤروروک. قالخینما یولو پروژه‌سینین ۱۹۲۳ کیلومترلیک قورو یولو کوریدورو اوچون ۱۵۹۲ کیلومترلیک یولوموز مؤوجود دورومدا. شانلی اورفا-اوواکؤی آراسینداکی ۳۳۱ کیلومترلیک یئنی اتوبان سرمایه‌سینی ده پلانلادیق".
تورکیه ایله آذربایجان آراسیندا بیر باشا دمیر و قورو یولو نقلیاتی تامین ائد‌جک زنگه‌زور کوریدورویلا دا تورکیه ایله اورتا آسیا آراسیندا یئنی بیر باغلانتی قوراجاقلارینا دقت چکه‌ن باخان اورال‌اوغلو،
"گؤرولدوگو کیمی تورکیه‌نین یالنیز اؤز ایچینده دئییل، دونیایا باغلاناجاق اولوسلارآراسی نقلیاتینا اؤنجه‌لیک وئریریک" دئدی.
ایلگیلی‌لی خبرلر
ییلماز:"تورکیه-اؤزبکیستان تیجارت حجمینده هدفه یاخین‌لاشیریق"
تورکیه-اؤزبکیستان تیجارت حجمینده 5 میلیارد دو‌لارلیق هدفه یاخین‌لاشیریق.
