زنگه‌زور دالانی آچیلیر
ایلهام علییئو، جمهورباشقانی اردوغانا زنگ ائد‌رک، آوروپا بیرلیگی شوراسی باشقانی شارل میشل و ارمنیستانین باشباخانی نیکول پاشینیانلا بروکسل‌ده بازار گونو ائتدیگی گؤروشمه قونوسوندا بیلگی وئردی
آذربایجان جمهورباشقانی ایلهام علییئو، ارمنیستانلا هم دمیر یولو، هم ده قورو یوللارینین تیکینتیسی ده داخیل زنگه‌زور دالانینین آچیلماسی ایله باغلی آنلاشدیقلارینی بیلدیردی.
آذربایجان جمهورباشقانلیغیندان وئریله‌ن بیلگییه گؤره، ایلهام علییئو، جمهورباشقانی رجب طب اردوغانا زنگ ائد‌رک، آوروپا بیرلیگی شوراسی باشقانی شارل میشل و ارمنیستانین باشباخانی نیکول پاشینیانلا بروکسل‌ده بازار گونو ائتدیگی گؤروشمه قونوسوندا بیلگی وئردی.
میشل و پاشینیانلا اؤلکه‌سی ایله ارمنیستان آراسین‌دا باریش آنلاشماسی حاضرلانماسی، ایکی اؤلکه آراسین‌دا ایلیشکیلرین نورماللاشماسی، نقلیات دهلیزلرینین آچیلماسی و سرحدلرین معینلشدیریلمه‌سینین موذاکیره ائدیلدیگینی دئیه‌ن علییئو گؤروشمه‌نی اولوملو دگرلندیردیگینی قید ائتدی.
دۆنن آذربایجانلا ارمنیستان آراسین‌دا سرحدلرین معین ائدیلمه‌سینه باغلی دؤولت کمیسیونو یارادیلماسی حاقین‌دا قرار ایمضالادیغینی قید ائد‌ن علییئو، طرفلرین هم دمیر یولو، هم ده قورو یوللارینین تیکینتیسی ده داخیل اولماقلا زنگه‌زور دالانینین آچیلماسی ایله باغلی آنلاشدیقلارینی بیلدیردی.
اردوغان دا بیلگیلندیردیگی اوچون علییئوه تشکور ائتدی و گؤروشمه‌ده الده اولونان اولوملو نتیجه‌لردن ممنونلوغونو بیلدیردی.
بؤلگه‌ده باریشین تئزلیکله برقرار اولماسینین اؤنمینی وورغولایان اردوغان و علییئو تورکیه ایله آذربایجان آراسینداکی ایلیشکی‌لری ده موذاکیره ائتدی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
