صالحی: یئنی حکومتده تورکمنلره بیر باخانلیق وئریله‌جک
"عراق‌دا هله تورکمنلری سیاست و سیستمین خاریجینه ایته‌له‌مه و جزالاندیرما سیاستی مؤوجود"
عراق تورکمن جبهه‌سی میللت وکیلی ارشد صالحی، یئنی حکومتده تورکمنلرین ده تمثیل ائدیلمه‌سی سؤزو آلدیقلارینی ایفاده ائتدی.
صالحی، یئنی دؤنمده تورکمن میللت وکیللرینین مجلیس‌ده هم شیعه هم ده سنی قروپلار ایچین‌ده ایشتیراک ائتدیگینی خاطیرلاتدی.
صالحی،
"بیز تورکمن وکیللر اولاراق دا آیری بیر تورکمن قروپو قوردوق و بونون باشقانلیغینا دا من سئچیلدیم. وظیفه‌م تورکمنلرین حاق و حقوقونو مدافعه ائتمک" دئدی.
تورکمنلرین باشباخان کؤمکچی‌سی و جمهورباشقانی کؤمکچی‌سی کیمی وظیفه‌لره ده طالب اولدوقلارینی بیلدیرن صالحی، بونلاری سؤیله‌دی:
"عراق‌دا هله تورکمنلری سیاست و سیستمین خاریجینه ایته‌له‌مه و جزالاندیرما سیاستی مؤوجود. آنجاق تورکمنلر اولاراق هر زامان شیعه و سنیلرین بیرلشمه‌سین‌دن یاناییق. تورکمنلر عراقین بیرلشدیریچیسیدیر. تورکمنلره ضرر وئریلسه عراقین بیرلیگی تهلوکه‌یه گیرر. عراق سیاستین‌ده تأثیریمیز و آغیرلیغیمیز وار. اؤزللیکله اقتداری اولوشدوراجاق شیعه قروپلارلا تماسلاریمیز اولدو. تورکمنلره یئنی کابینه‌ده یاخشی بیر باخانلیق وئریلمه‌سی اوچون بیزه سؤز وئریلدی و بو اولاجاق".
عراق‌دا ۱۰ اکتبر ۲۰۲۱ده ائدیله‌ن عمومی سئچیملرده تورکمنلر ۳۲۹ کورسولو مجلیسه ۷ میللت وکیلی گؤندرمیشدی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
