توکایئو: تروریستلری اؤلدورمک اوچون آتیش ائتمه امری وئردیم
"تروریستلر هله سلاح قوللانمایا و وطنداشلارین مولکلرینه ضرر وئرمه‌یه داوام ائدیر"
قازاقیستان دؤولت باشقانی قاسم جومرت توکایئو،
"گوونلیک گوجلرینه و اوردویا، تروریستلره قارشی اویاری وئرمه‌دن اؤلدورمک اوچون آتیش ائتمه امری وئردیم" دئدی.
قازاقیستان جمهورباشقانلیغی مطبوعات خیدمتین‌دن وئریله‌ن آیقلامایا گؤره، توکایئو، ترورلا مباریزه قونوسون‌دا مسئوللارلا توپلانتی تشکیل ائتدی.
توپلانتی سونراسین‌دا ائتدیگی دانیشمادا ترورلا مباریزه عملیاتی باشلاتدیقلارینی ایفاده ائد‌ن توکایئو، "عمومیتله اؤلکه‌نین بوتون بؤلگه‌لرین‌ده آنایاسال دوزن یئنی‌دن تامین ائدیلدی. یئرلی یؤنتیملر وضعیتی کنترل ائدیر. آنجاق تروریستلر هله سلاح قوللانمایا و وطنداشلارین مولکلرینه ضرر وئرمه‌یه داوام ائدیر. بونا گؤره ترورلا مباریزه عملیاتی میلیتانلارین تامامیله یوخ ائدیلمه‌سینه قدر داوام ائد‌جک" ایفاده‌لرینی ایشلتدی.
بو آرادا،
قازاقیستان ایچ ایشلری باخانلیغی، گؤستریلرده چیخان حادثه‌لرده ۲۶ اعتراضچینین حیاتینی ایتیردیگینی بیلدیردی.
باخانلیقدان وئریلن آچیقلامادا، "گوونلیک گوجلری، آلماتی شهرین‌ده اجتماعی نطامی تاسیس ائتدی، استراتژیک یئرلری قورومایا آلدی. جاده‌لرده تمیزلیک عملیاتینا داوام ائدیلیر" ایفاده‌سینه یئر وئریلدی.
آچیقلامادا، حادثه‌لرده ۳ مین‌دن چوخ انسانین گؤزآلتینا آلیندیغی ایفاده ائدیلدی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
