توکایئو: سرت مداخیله ائتمه‌یه نیتلییه‌م
"قازاقیستان تاریخین‌ده‌کی بو قارا گونلری بیرلیکده آشاجاغیق. بوندان، گوجلو چیخاجاغیق"
قازاقیستان جمهورباشقانی قاسم جومرت توکایئو، خالقین اؤزونو دستکلدیگیندن آرخایین اولدوغونو سؤیله‌یه‌رک،
"نه اولورسا اولسون، باشکندده (نور سلطان) اولاجاغام. خالقین یانین‌دا اولماق منیم آنایاسال وظیفه‌م. قازاقیستان تاریخین‌ده‌کی بو قارا گونلری بیرلیکده آشاجاغیق. بوندان، گوجلو چیخاجاغیق" دئدی.
توکایئو، تلویزیون کاناللارین‌دان خالقا خطاب اولاراق ائتدیگی دانیشمادا، اعتراض گؤستریلرین‌ده بؤیوک اؤلچک‌ده گؤستریچیلرین گوونلیک گوجلرینه سالدیردیغینی ایفاده ائتدی.
گوونلیک گوجلری آراسین‌دا اؤلن و یارالانانلار اولدوغو بیلگیسینی پایلاشان توکایئو، اعتراضچیلارین "قولدورلاردان اولوشدوغونو" دیله گتیردی.
توکایئو، اعتراضچیلارین عسگرلری دؤیدویونو، قادینلارا ساتاشدیغینی و دوکانلاری یاغمالادیغینی بیلدیردی.
مؤوجود وضعیتین آلماتیده خالقینین گوونلیگینی تهدید ائتدیگینی سؤیله‌یه‌ن توکایئو، باشقا بعضی شهرلرده ده عینی وضعیتین یاشاندیغینی، بونا تحمل ائده‌بیلمه‌یه‌جکلرینی دیله گتیردی.
جمهورباشقانی توکایئو، بونا گؤره فؤوق‌ا‌لعاده حال اعلان ائتدیکلرینی خاطیرلاداراق، "بو لازیم بیر تدبیر. جمهورباشقانی اولاراق وطنداشلارین گوونلیگینی و اؤلکه‌نین بوتونلوگونو تامین ائتمک مجبوریتینده‌یه‌م" دئدی.
آلینان بو تدبیرلرین یئترلی اولمادیغینا دقت چکه‌ن توکایئو، فاناتیک عنصورلارین ائیلملرینین، مالی دستکله گوج آلان توطئه‌چیلرین دقتلیجه حاضیرلادیغی بیر پلانین وارلیغینی اورتایا قویدوغونو ایفاده ائتدی.
توکایئو، "جمهورباشقانی اولاراق، بو گون‌دن اعتباراً گوونلیک شوراسی باشقانی اولاراق ممکن اولدوقجا سرت مداخیله ائتمه‌یه نیتلییه‌م. بو مسئله منه مراجعت ائد‌ن، حیاتینی و عائله‌لرینین قورونماسینی ایسته‌یه‌ن وطنداشلاریمیزین گوونلیگی ایله باغلیدیر. بو مسئله اؤلکه‌میزین گوونلیگی ایله باغلیدیر" شکلینده دانیشدی.
خالقین اؤزونو دستکلدیگیندن آرخایین اولدوغونو وورغولایان توکایئو، سؤزلرینی بئله داوام ائتدیردی:
"نه اولورسا اولسون، باشکندده (نور سلطان) اولاجاغام. خالقین یانین‌دا اولماق منیم آنایاسال وظیفه‌م. قازاقیستان تاریخین‌ده‌کی بو قارا گونلری بیرلیکده آشاجاغیق. بوندان، گوجلو چیخاجاغیق".
توکایئو، یاخین زامان‌دا سیاسی دییشیم ایله باغلی یئنی تکلیفلرین یئر آلدیغی آچیقلامالار وئره‌جگینی و اؤلکه‌ده اصلاحات ایله باغلی توتومونو دییشدیرمه‌دیگینی سؤزلرینه علاوه ائتدی.
قازاقیستان مطبوعاتینا گؤره، اؤلکه‌نین هامیسین‌دا اولاغان‌اوستو حال (او-حال) اعلان ائدیلدی. آلماتیده آرالارین‌دا والیلیک بیناسینین دا اولدوغو دؤولت قووم و قورولوشلارینا سالدیران گؤستریچیلر، ۱۲۰ دولایین‌دا دوکان، ۱۰۰ دولایین‌دا اوفیس و تخمیناً ۲۰۰ رستوران و کافه‌نی یاغمالادی.
اؤلکه‌نین باتیسیندا ۲ ژانویه‌دن اعتباراً ال‌پی‌جی گازی قیمتلرینده ائدیله‌ن آرتیشلار و اؤلکه‌ده‌کی اقتصادی وضعیتین پیسلشدیگی سببیله باشلادیلان اعتراضلار اؤلکه‌نین دیگر بؤلگه‌لرینه یاییلدی.
کوچه اولایلارینا چئوریله‌ن گؤستریلرده گوونلیک گوجلری ایله اعتراضچیلار آراسین‌دا چاتیشمالار یاشاندی. پلیس و عسگری آراجلاری یاندیران و دؤولت بینالارینا گیره‌ن اعتراضچیلارا، گوونلیک گوجلری سس بومباسی ایله مداخیله ائتدی. جمهورباشقانی قاسم جومرد توکایئو، باشلادیلان اعتراضلاردان مسئول توتدوغو حکومتین استعفاسینی قبول ائتدی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
