اردوغان، آذربایجانا گئتدی
جمهورباشقانی اردوغان، آذربایجان جمهورباشقانی ایلهام علییئوین دعوتی اوزرینه سحر ساعاتلاریندا، آنکارا اسنبوغا هاوالیمانیندان آذربایجانا حرکت ائتدی
جمهورباشقانی رجب طیب اردوغان، بیرگونلوک ایش سفری اوچون آذربایجانا گئتدی.
جمهورباشقانی اردوغان، آذربایجان جمهورباشقانی ایلهام علییئوین دعوتی اوزرینه سحر ساعاتلاریندا، آنکارا اسنبوغا هاوالیمانیندان آذربایجانا حرکت ائتدی.
اردوغانلا بیرلیکده؛ خاریجی ایشلر باخانی مؤولود چاووشاوغلو، نقلیات و آلت یاپی باخانی عادل قارااسماعیلاوغلو، میللی ساوونما باخانی حولوصی آکار، چئوره و شهرچیلیک باخانی مراد قوروم ایله ایلهتیشیم باشقانی فخرالدین آلتون و جمهورباشقانلیغی سؤزچوسو ابراهیم قالین دا آذربایجانا گئتدی.
جمهورباشقانی اردوغان، سفری چرچیوهسینده، وطن محاربهسی ایله ایشغالدان قورتاریلان فضولیده قیسا مدت ایچینده تاماملانان اولوسلارآراسی هاوالیمانینین آچیلیشییلا بؤلگهده سالینان قورو یولو و زنگیلاندا تورکیهنین ده قاتقیلارییلا تیکیلهجک عاغیللی اکینچیلیک دوشرگهسینین تمل آتما مراسیملرینه قاتیلاجاق.
سفر زامانی تورکیه-آذربایجان ایلیشکیلری گؤزدن گئچیریلهجک و ایکی اؤلکه آراسیندا امکداشلیغین داها دا درینلشدیریلمهسی اوچون آتیلاجاق آددیملار مذاکیره اولوناجاق.
گؤروشمهلر سیراسیندا ایکیلی ایلیشکیلرین یانی سیرا، لؤیگهسل و اولوسلارآراسی گلیشمهلر حاقیندا فیکیر آلیش وئریشی ائدیلمهسی ده اؤنگؤرولور.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.