روسیا، آذربایجان و ارمنیستانین دینی لیدئرلری گؤروشدو

روسیا، آذربایجان و ارمنیستانین دینی لیدئرلری گؤروشدو.

موسکوا پاتریارخی کیریل، قافقاز مسلمانلاری ایداره‌سینین باشقانی آلله شوکور پاشازاده و ارمنیستان دینی لیدئری کاتولیکوس ۲.جی گارگین روسیانین باشکندی موسکوادا گؤروشدو.

موسکوا پاتریارخی کیریل گؤروش‌دن سونرا اورتاق بیاناتی اوخودو.

کیریل، دینلرین ائتنیک قروپلار آراسین‌دا باریش تامین ائتمک پتانسیلینه صاحب اولدوغونو بیلدیردی.

کیریل،

"بو مرحله‌ده آذربایجان-ارمنیستان ایلیشکیلری نه قدر چتین اولسا دا، ایللرله داوام ائد‌ن تراژیک چاتیشمانین آچدیغی یارالاری تانرییا اولان اینام و سئوگینین ساغالداجاغینا اینانیریق" ایفاده‌سینی ایشلتدی.

کیریل،

"قافقاز همیشه اینسانلاری، دیللری و مدنیتلرینین چئشیدلی‌لیگی ایله مشهور اولموش‌دور" دئدی.

"آذربایجان و ارمنی خالقلارینین بیرلیک‌ده یاشاماق‌دان باشقا گله‌جگی یوخدور. بو گون اینسانلارین بیر-بیرینه اینامینی، قونشولارا حؤرمتینی و قارشی‌لیق‌لی یاردیما حاضرلیغینی یئنی‌دن اؤیره‌نمک اؤزللیکله اؤنملیدیر" دئدی.

کیریل دینی مکانلارا، تاریخی عابده‌لره و مزارلارا و فرق‌لی اینانج‌لی اینسانلارین دینی حسلرینه حؤرمت ائتمه‌نین اهمیتینه دقت چکدی.

"دینی لیدئرلر، دینلر و خالقلار آراسین‌دا یاخشی قونشولوق اورتامی یاراتماق و قوروماق اوچون صلاحیتلرین‌دن ایستیفاده ائتمه‌یه چاغیریلیر" دئدی.

"دینی لیدئرلر ایندیکی و گله‌جک نسیللرین رفاهی و فایداسی اوچون آذربایجان و ارمنیستان خالقلارینین باریشماسینا قاتقی وئرمه‌یه حاضردیر" ایفاده‌سینی ایشلتدی.