تورک اؤلکهلری اقتصاد باخانلاری باکیدا توپلاناجاق
تورک کنهشی اقتصاددان سوروملو باخانلار ۱۰.جو توپلانتیسی آذربایجان جمهوریتینین باشکندی باکیدا ائدیلهجک
تورک اؤلکهلری امکداشلیق شوراسی (تورک کنهشی) اقتصاددان سوروملو باخانلار ۱۰.جو توپلانتیسی آذربایجان جمهوریتینین باشکندی باکیدا ائدیلهجک.
آذربایجان اقتصاد باخانی میکائیل جاباروو و تورک شوراسی کاتبی باغداد امرهیئوین ائو صاحیبلیگینده تشکیل ائدیلهجک توپلانتییا، قیرقیزیستان باخانلار قورولو باشقان کؤمکچیسی، اقتصاد و مالیه باخانی آکیبک جاپاروو، قازاقیستان تجارت باخانی باکیت سلطانوو، اؤزبکیستان سرمایه و خاریجی تجارت باخان کؤمکچیسی عزیز وویتوو و ماجاریستان خاریجی ایشلر و تجارت باخانلیغی دؤولت کاتیبی پتر ستارای قاتیلاجاق. توپلانتیدا تورکیهنی تجارت باخانی محمد موش تمثیل ائدجک.
توپلانتیدا، تورک یاتیریم فوندونون "ائدیلهبیلیرلیک چالیشماسی" و "قورولوش آنلاشماسی"، تورک تجارت و صنایع اوتاغینین حقوقی ایستاتوسو و دیگر فعالیتلری، تورک شوراسی بؤلگهسینده تیجارت و سرمایهنین داها چوخ سربستلشدیریلمهسی اوچون علاوه مکانیزملر و عضو دؤولتلرده تورک تیجارت ائوینین قورولماسی کیمی گوندم مادهلری مذاکره ائدیلهجک. باخانلار آیریجا ماجاریستان (بوداپست) و قیرقیزیستاندا (بیشکئک) گلهجک دؤورده تشکیل ائدیلمهسی پلانلانان ایش و سرمایه فوروملارینین تشکیلاتی حاقیندا دا گؤروش آلیش وئریشیی ائدیلهجک.
ییغینجاغین آردیندان "چئشیدلی اقتصادی بؤلگهلر آراسیندا بیلگی و تجروبه پایلاشیمینا باغلی آنلاشما" ایمضالاناجاق، تورک ایش اؤدوللری مراسمی تشکیل ائدیلهجک.
عینی گون باخانلارین ده ایشتیراکییلا "آذربایجانین ایشغالدان قورتاریلان قاراباغ بؤلگهسینین قالخینماسینا اتحاف اولونان" تورک ایش فورومو دا تشکیل ائدیلهجک.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.