"قیبریس تورک دؤولتینین تانینماسی اوچون هر جور چابانی سرگیله‌یه‌جییک"
اردوغان: آرتیق قیبریس تورکلرینین اولوسلارآراسی گؤروشمه‌لرده ماساداکی تک طلبی اگمن دؤولت ایستاتوسلارینین تانینماسی‌دیر
جمهورباشقانی رجب طیب اردوغان، قیبریس تورک دؤولتینین ان قیسا زامان‌دا گئنیش بیر تانینیرلیغا صاحب اولماسی اوچون هر جور چابانی سرگیله‌یه‌جکلرینی سؤیله‌دی.
جمهورباشقانی اردوغان، باشقانی اولدوغو عدالت و قالخینما پارتیسینین (آک پارتی) تشکیلاتلاری ایله ویدئو کنفرانس یولو ایله بایراملاشما پروگرامین‌دا دانیشدی.
دانیشماسین‌دا قیبریس مسئله‌سینه توخونان اردوغان،
"دونن و سیراغا گون (۱۹-۲۰ جولای) عرفه گونوندن باشلاییب بایرام گونو آخشام ساعاتلارینا قدر قیبریسدا ایجرا ائتدیگیمیز پروگرام بیر چوخ باخیمدان اؤنملی ایدی. آرتیق قیبریس تورکلرینین اولوسلارآراسی گؤروشمه‌لرده ماساداکی تک طلبی اگمن دؤولت ایستاتوسلارینین تانینماسی‌دیر. بونون دیشیندا‌کی بوتون تکلیفلر گئچرلی‌لیگینی ایتیرمیشدیر" دئدی.
"قیبریس تورک دؤولتینین ان قیسا زامان‌دا گئنیش بیر تانینیرلیغا صاحب اولماسی اوچون هر جور چابانی سرگیله‌یه‌جییک" ایفاده‌لرینی ایشلد‌ن اردوغان،
"آداداکی ۲ گونلوک گؤروشمه‌لریمیز سیراسین‌دا قیبریسلی قارداشلاریمیزی بو قونودا قرارلی گؤردوک" شکلینده دانیشدی.
اردوغان، یئنی تیپ کوروناویورس سالقینینین، مختلف اؤلکه‌لرده یئنی واریانتلارلا یوکسلیشه گئچسه ده تورکیه‌نین هله بو تهدیدین پنجه‌سینه دوشمه‌دیگینی ده ایفاده ائتدی.
اردوغان آیریجا،
"گنجلریمیز باش‌دا اولماق اوزره اؤلکه‌میزین انسان قایناغینی ان وئریملی شکیل‌ده دگرلندیرمک اوچون بوتون تشکیلاتلاریمیزلا بؤیوک چابا ایچینده‌ییک" دئدی.
