تورکیه و آذربایجان اوردولارینین اورتاق مانورو باشلادی

تورکیه و آذربایجان بیر دفعه داها اورتاق عسگری مانور ائدیر.

آذربایجان ساوونما باخانلیغی، ایکی اؤلکه آراسین‌داکی عسگری امکداش‌لیق چرچیوه‌سین‌ده پلانلانان و "مصطفی کمال آتاتورک ۲۰۲۱" آدی وئریله‌ن اورتاق عسگری مانورا باشکند باکی‌دا باشلاندیغینی بیلدیردی.

۳۰ ژوئنه قدر داوام ائد‌جک مانورا ۶۰۰ عسگر، ۴۰ تانک و زره‌لی آراج ایله ۲۰ توپ، ۷ ساواش و پرسنل هلیکوپتری، ۳ انسان‌سیز هاوا آراجی و ۵۰ عسگری آراج قاتیلیر.

مانورلا ایکی اوردونون اورتاق عملیات قابیلیتینین گلیشدیریلمه‌سی، امر کنترل ایله سؤوق و ایداره باجاریقلارینین یاخشیلاشدیریلماسی و کماندولارین عملیات گوجونون آرتیریلما‌سی هدفلنیر.