آنکارادا، تورک دونیاسی خالق ماهنیلاری کنسرتی

آنکارادا تورک اؤلکه‌لری دؤولت مستقیللیگینه حصر اولونموش کونسرت وئریلدی.
اولوسلارآراسی تورک مدنیتی تشکیلاتی (تورکسوی)؛ آذربایجان، قازاقیستان، قیرقیزیستان، اؤزبکیستان و تورکمنیستانین دؤولت مستقیل‌لیکلرینین قازانیلماسینین اوتوزونجو ایل‌دؤنومو موناسیبتی ایله تدبیرلری داوام ائتدیریر.
بو چرچیوه‌ده آنکارادا تورکسویا عضو اؤلکه‌لرین مدنیت باخانلیقلارینین بیرگه امکداش‌لیغی سایه‌سین‌ده «تورک دونیاسینین خالق ماهنیلاری» آدلی کونسرت پروگرامی سونولدو، فوتوسرگی آچیلدی.
تدبیرلرده رسمی مقاملار، دیپلوماتلار، بیلیم و مدنیت آداملاری ایشتیراک ائتدی.
تورکیه جمهورباشقانلیغی سمفونی اورکستر کونسرت سالونون‌دا گرچکلشن کونسرت‌ده تانینمیش ارکستر رهبرلری آغاوئردی پاشایئو (آذربایجان)، آبیلای تیلپ‌برگن (قازاقیستان)، ایرینا سوئرکولووا، ریس‌بک ژوماکونوو (قیرقیزیستان)، فیروزا عبدالرحیمووا (اؤزبکیستان)، گووانچ‌محمد ساپارعلییئو (تورکمنیستان)، جم گوردال (تورکیه) تورکسوی‌لو خالقلارین بیر بیرین‌دن گؤزل ماهنیلارینی سوندو.
کونسرت‌دن سونرا فوتوگراف سرگیسی گزیلدی.