عباس بی لسانی بو آن اعتصاب غذاسین سیندیرار تکجه ...
"عباس بیه و بوتون دیلیندن و عقیده سیندن آسیلی اولمایان سیاسی محبوسلارا آزادلیق دیلهییرم"
اسکی سیاسی توتساق لطیف حسنی، آجلیق اعتصابینا باشلایان عباس لسانی و اونا دستک اولان دیگر تورک محبوسلار حاقینداکی گؤروشلرینی قیسا بیر یازی یاییملایاراق دیله گتیرمیشدیر.
حسنی، ۷ ایل ۱۱ آیدان سونرا حبس سورهسینی باشا ووراراق رجایی شهر حبسخاناسیندان آزاد اولموشدو.
لطیف حسنی بئله یازیر:
آجلیق آکسیاسی (اعتصاب غذا) حاقسیزلیغا معروض قالان و اومودو هریاندان اوزولن بیر محبوسون سون سیلاحی دیر.
من حبسده اولدوغوم دونمده ایکی دفعه اوزون مدت (بیر دفعه پارتیاداشلاریملا بیرلیکده) ۳۷ گون و بیردفعه ۵۲ گون آجلیق ائتمیشم.
سونونجو آجلیغیمین سببی سیاسی محبوسلارا اولان حاقسیزلیقلارا قارشی ایدی یعنی تفکیک جرایم، مرخصی، سیاسی محبوسلارین اؤز شهرلریندن اوزاق حبس چکمه لری و ...کی، ایران اسلام جمهورییتینین قانون مجازات اسلامی و آیین نامه سازمان زندانها دا وورغولانیب. آنجاق بو قانونلار سیاسی محبوسلارا شامیل ائدیلمیر. سببین ده هئچ بیر مسئول وورغولامیر.
ایندی محکمه قووهسینین رئیسی و بو سمتده اولا-اولا اجرا ائدیجی قووهیه کاندید اولان و هامیدان چوخ عدالتدن دم ووران رئیسی جنابلارینا اوز توتوب دئییرم عباس بی لسانی بو آن اعتصاب غذاسین سیندیرار تکجه بویوراسینیز: «بیز یازیلمامیش قانونلاریمیز اساسیندا بیزیم حاکمییتیمیزه قارشی چیخان ویاخود بیزیم حاکمییتیمیزی بهینمهینلرله داوراناجاییق. نئجه کی، بو گونه دک سیاسی محبوسلارلا تفکیک جرایم، مرخصی، معالجه و ...خصوصوندا یازیلمامیش قانونلاریمیز اساسیندا داورانمیشیق».
بو اولورسا، عباس بی لسانی و اونونلا آجلیق ائدن باشقا سویداشلاریمیز آجلیقلارینا سون قویوب، اوتوروب حبسلرین چکرلر.
عباس بیه و بوتون دیلیندن و عقیده سیندن آسیلی اولمایان سیاسی محبوسلارا آزادلیق دیلهییرم.
لطیف حسنی
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.