اعتصابا قاتیلانلارین ساییسی آرتدی

اردبیل حبس‌خاناسیندا توتولان آذربایجان‌لی سیاسی محبوس عباس لسانی دونن (جمعه ارته‌سی، خرداد آیینین ییرمی ایکیسی) آجلیق اعتصابی باشلاتدیغینی بیلدیرمیشدی.

لسانی، تهلوکه‌لی توتوقلولارین سیاسی - امنیتی محبوسلارین توتولدوغو بؤلومه گؤندریلمه‌سینه اعتراض اولاراق بو ائیلمه باش‌وورموشدو. 

عینی گون، باشقا بیر تورک سیاسی محبوس یوسف کاری ده لسانییه دستک اولاراق آجلیغا باشلادیغینی اعلان ائتمیشدی.

بو گون ایسه اوچ سیاسی محبوسون داها اعتصابا قاتیلدیغی بیلگیسی گلدی.

یئرلی خبر سیته‌لرینده یاییملانان خبرلره گؤره، تورک محبوسلار علی واثقی، رضا واثقی و مهرداد شیخی ده بو گون (بازار، خرداد آیینین ییرمی اوچو)  سحردن اعتباراً آجلیق آکسیاسینا قاتیلدیلار.