عباس لسانی آجلیق اعتصابینا باشلادی

آذربایجانلی سیاسی محبوس عباس لسانینین آجلیق اعتصابی باشلاتدیغی بیلدیریلدی.
یئرلی اینترنت خیر سیته‌لرینه گؤره، اردبیل حبس‌خاناسیندا توتولان لسانی، تهلوکه‌لی توتوقلولارین سیاسی - امنیتی محبوسلارین آراسینا گؤندریلمه‌سینه قارشی بو گوندن اعتباراً (جمعه‌ارته‌سی، خرداد آیینین ۲۲سی) آجلیق اعتصابینا باشلادی.
تورک توتوقلو عباس لسانی، ایکی گون اؤنجه، قالدیقلاری بؤلومه گتیریلن تهلوکه‌لی محکومون باشقا بؤلومه گؤندریلمه‌مه‌سی حالیندا آجلیق آکسیاسینا، داها سونرا دوروم دییشمز ایسه اؤلوم اوروجونا باشلایاجاغینی بیلدیرمیشدی.

بو آرادا اردبیل حبس‌خاناسیندا توتولان بیر باشقا تورک سیاسی توتوقلو یوسف کارینین ده لسانینین اعتصابینا دستک اولاراق آجلیغا باشلادیغی بیلدیریلیر.