قیرقیزیستان جمهورباشقانیندان 'ائولرینیزه دؤنون' چاغریسی

قیرقیزیستان جمهورباشقانی سادیر جاپاروو، قیرقیزیستان-تاجیکیستان سرحدین‌ده یاشانان چاتیشمادان اؤترو ائولرینی ترک ائد‌ن ۲۷ مین‌دن چوخ وطنداشا "ائولرینیزه دؤنون" چاغریسی ائتدی.

جاپاروو، قیرقیزیستان-تاجیکیستان آراسین‌دا ۱ می‌ده ائدیله‌ن آتیش‌کسین آردین‌دان خالقا خطاب ائتدی.

قیرقیزیستان-تاجیکیستان سرحدین‌ده یاشانان چاتیشمادان اؤترو ائولرینی ترک ائد‌ن ۲۷ مین‌دن چوخ وطنداش اولدوغونا ایشاره ائد‌ن جاپاروو،

"هر عایله‌نی ائوینه قاییتماغا چاغیریرام. تخریباتلارا اعتبار ائتمه‌یین" دئدی.

جاپاروو، حادثه‌لر نتیجه‌سین‌ده زیان گؤره‌ن و یاندیریلان ائولرین دؤولت طرفین‌دن تعمیر ائدیله‌جگی سؤزونو ده وئردی.

اؤته یان‌دان مسئوللار، بؤلگه‌ده وضعیتین کنترل آلتین‌دا اولدوغونو سؤیله‌دی.

گولوونوی آدلی سو پایلاما شبکه‌سینی کنترل ائتمه سببیله ۲۸ آوریل‌ده یاشانان چاتیشمادا هر ایکی طرف‌ده ۴۹ نفر حیاتینی ایتیرمیش، ۲۶۰دان چوخ انسان یارالانمیشدی.

بؤلگه‌ده ۲۷ مین‌دن چوخ قیرغیزیستان وطنداشی، ائولرینی ترک ائتمیش‌دی.

هر ایکی اؤلکه رهبرلیگی، "آتشکس" و عسگرلرین قیشلالارا گئری چکیلمه‌سی مؤوضوسون‌دا ۱ مای‌دا اوزلاشمیش‌دی.