خوجا احمد یسوی دؤنمینه عاید سندلر اورتایا چیخدی
سندلرده خوجا احمد یسوی دؤنمینه عاید اؤنملی قرارلار، یئر آدلاری، سرحد بیلگیبری و اینسانلارین گونده‌لیک حیاتینین آیرینتیلاری دا یئر آلیر
تورک دونیاسینین معنوی لیدئری خوجا احمد یسوینین قارداشی اوغلو و اؤیرنجی‌سی یوسف آتایا عاید سندلر اورتایا چیخدی.
تاریخی ال‌یازمالاری، مؤهورلو سندلر و ۳ یاریم متر اوزونلوغون‌داکی سوی آغاجی یوسف آتا طرفین‌دن ۱۳.جو عصرده چاغاتای تورکجه‌سینده یازیلمیشدیر.
عائله‌نین تورکوستان شهرین‌ده‌کی ائوین‌ده ساخلانیلان بو سندلر موزه‌یه باغیشلاناجاق. سندده یازیلانلار بیر چوخ دیله ترجومه ائدیله‌جک.
تاریخی سندلر خوجا احمد یسوینین قارداشی اوغلو یوسف آتانین نوه‌لری طرفین‌دن نسیل‌دن نسیله اؤتوروله‌رک قورونوب ساخلانیلدی.
عصرلر بویو قورونان سندلر ایندی اوزه چیخاریلدی.
یوسف آتانین نوه‌سی، سعیدعالیم یولداشئو،
"سووئتلر بیرلیگی دؤنمین‌ده بو سندی هئچ کیمه گؤسترمه‌دیک. او زامان بو جور سندی نه اؤزوموز ساخلایابیلردیک، نه ده باشقالارینا وئره‌بیلردیک. بو سندین اوزه چیخما واختی گلدی" دئدی.
سندلرده خوجا احمد یسوی دؤنمینه عاید اؤنملی قرارلار، یئر آدلاری، سرحد بیلگیبری و اینسانلارین گونده‌لیک حیاتینین آیرینتیلاری دا یئر آلیر.
سعیدعالیم یولداشئو،
"خوجا احمد یسوینین اؤیرنجی‌لری طرفین‌دن قوناق ائدیلدیگی زامان ماساداکی یئمکلر حاقین‌دا بیلگی وار. خوجا احمد یسوی‌یه ۱۲ نؤوع اوزوم وئریلیرمیش" دئدی.
چاغلارا میدان اوخویان سندلر حضرت سلطان تاریخ و مدنیت قوروما موزه‌سینه وئریله‌جک.
حضرت سلطان موزه‌سینین مودورو نوربولات احمدجانوو، "بو تاریخی سندلر موزه متخصصلری طرفین‌دن آراشدیریلاجاق. اؤنجه هئچ بیلینمه‌یه‌ن یئنی بیلگیلر اورتایا چیخابیلر. سندلری قازاق تورکجه‌سینه ترجومه ائدیب کیتاب حالینا گتیرمک نیتینده‌ییک" دئدی.
احمدجانوو، خوجا احمد یسوی ایله باغلی چالیشمالارین هم یوردایچینده، هم ده یورددیشیندا داوام ائدجگینی وورغولادی.
ایلگیلی‌لی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.
