اورمیه و نقدهده وضعیت قیرمیزییا دوغرو گئدیر
اورمیه، نقده، چایپارا و ماکی شهرلرینده نارنجی وضعیت حاکیم اولسا دا اؤزللیکله اورمیه و نقدهده یولوخما و خستهخانایا یاتیش اولقولاریندا آرتیش گؤزلندیگی بیلدیریلیر
باتی آذربایجانین مرکزی اورمیه و نقده (سلدوز) شهرینده کوروناویروسون یاییلماسی ایله وضعیت قیرمیزییا دوغرو گئدیر.
ایرنانین خبرینه گؤره، باتی آذربایجان ساغلیق بیلیملری بیلیمیوردو رئیسی دکتر جواد آقازاده، کوروناویروس یاییلماسی ندنی ایله اورمیه و نقدهده وضعیتین آغیرلاشمایا دوغرو گئتدیگینی بیلدیررک، خالقی ساغلیق پروتکللارینا رعایت ائتمهیه چاغیردی.
حاضیردا اورمیه، نقده، چایپارا و ماکی شهرلرینده نارنجی وضعیت حاکیم اولسا دا اؤزللیکله اورمیه و نقدهده یولوخما و خستهخانایا یاتیش اولقولاریندا آرتیش گؤزلندیگی بیلدیریلیر.
آقازاده آیریجا، باتی آذربایجانین میاندوآب، بوکان و سردشت شهرلرینده ده دورومون پیسلشدیگینی و بو شهرلرده اؤنلملرین آلینماسینی اومود ائتدیگینی دیله گتیردی.
دکتر جواد آقازاداه آیریجا، بایرام دولاییسیلا باتی آذربایجانین بعضی شهرلرینه گلن قوزئی عراق ساکینی ایرانلیلارین ویروس داشیما احتیمالی قونوسوندا دا اویاردی.
ایرنا، باتی آذربایجاندا بوگونه قدر ۱۲۰ مین نفره یاخین اینسانین کورونایا یولوخدوغونو بیلدیریر.
ایلگیلیلی خبرلر
جمهور باشقانی اردوغان قازاخیستانین باش ناظیرینی قبول ائدیب
جمهور باشقانی رجب طیب اردوغان پایتاخت آنکارادا قازاخیستانین باش ناظیری اولژاس بکتنووو قبول ائدیب.