آذربایجان-دا "کووید-19"دان اؤلوم و یولوخما سایی (1 مارس)

آذربایجان جمهوریتینده کوروناویروس انفکسیوندان 71 نفر معالیجه اولونا‌راق ساغالیب، 125 یئنی یولوخما فاکتی قئیده آلینیب.

ناظیرلر کابینه‌سی یانیندا اوپراتیو قرارگاهدان وئریلن معلوماتا گؤره، "کووید-19" اوچون گؤتورولن آنالیز نمونه‌لری مثبت چیخمیش 3 نفر وفات ائدیب.

حاضیرکی دؤوردک اؤلکه‌ده 234 مین 662 نفرین کوروناویروس انفکسیونونا یولوخماسی فاکتی معین ائدیلیب. اونلاردان 228 مین 839 نفر معالیجه اولونا‌راق ساغالیب، 3223 نفر وفات ائدیب. آکتیو خسته سایی 2600 نفردیر.

اؤتن مدت عرضینده 2 میلیون 602 مین 884 تست آپاریلیب. بوگونکو تست سایی ایسه 4205-دیر.