ایکی قارداش اردبیل حبس‌خاناسیندا اعدام ائدیلدی

ایکی قارداشین اردبیل حبس‌خاناسیندا اعدام ائدیلدیگی ادعا ائیلدی.

ایران‌داکی انسان حاقلاری خبر ارگانی هرانانین خبرینه گؤره، چهارشنبه دی آیینین ۲۴ونده سحر چاغی، ایکی قارداش آدام اؤلدورمه سوچوندان دولایی اردبیل حبس‌خاناسیندا اعدام ائدیلدی.

آدلارینین محرم و مهدی فیضی اولدوغو بیلدیریلن ایکی قارداشین ۶ ایل اؤنجه گؤزآلتینا آلینیب، "قتل" اتهامی ایله اؤلوم جزاسینا محکوم ائدیلدیکلری ایفاده ائدیلدی.

هرانایا گؤره بو اعدام خبری هله ایران رسمی قایناقلاری و بو اؤلکه مئدیاسی طرفیندن دویورلمامیشدیر.

بو آرادا هرانا، چهارشنبه گونو صابر خوشکار آدلی بیر شخصین ده آدام اؤلدورمه سوچو ایله چهارشنبه گونو تبریز زیندانیندا آسیلاراق اعدام ائدیلدیگینی بیلدیردی.