اردبیلده آذربایجان تورکجهسی سؤزلوگو حاضیرلاناجاق
پروفسور تمیزال، سؤزلوگون تورکجه دیوانا صاحب صفوی سلطانی شاه اسماعیلین توربهسینین اولدوغو اردبیلده یایینلاناجاق اولونماسینین دا آذربایجان تورکلری اوچون آیری بیر اؤنم داشیدیغینی بیلدیردی
ایران، آذربایجان تورکجهسی سؤزلوگونون حاضرلانماسینا دستک وئرجگینی آچیقلادی.
ایران رمی آژانسی ایرنانین وئردیگی بیلگییه گؤره، اسلامی ارشاد و مدنیت باخانی عباس صالحی، اردبیله سفرینده استاندار اکبر بهنامجو و اردبیل کولتورو و اسلامی ارشاد باش مودورو عبدالله بحرالعلومی ایله گؤروشمهسینده آذربایجان تورکجهسی سؤزلوگو پروژهسی ایله ایلگیلی فیکیر آلیش وئریشی ائتدی.
گؤروشمهده باخان صالحی، آذربایجان تورکجهسی سؤزلوگونون اردبیلده علمی پتانسیلدن فایدالاناراق حاضرلانماسینا دستک وئردی.
صالحی، ایللر اؤنجه ایران لیدئری آیت الله علی خامنهاینین اردبیل نمایندهسی آیت الله حسن عاملینین گیریشیمی ایله باشلادیلان، آنجاق هله ده تاماملانمایان آذربایجان تورکجهسی سؤزلوگو پروژهسینی "قالیجی و گؤرکملی بیر مدنیت چالیشماسی" اولاراق دگرلندیردی.
بونونلار باغلی آنادولو آژانسینا دانیشان قونیا سلجوق اونیورسیتهسی، مؤولانا آراشدیرمالار انستیتوسو مودورو پروفسور دکتر علی تمیزال، ایراندا آذربایجان تورکجهسی سؤزلوگونون یاییملانماسینین گئجیکمیش اولماسینا باخمایاراق سئویندیریجی اولدوغونو و بؤلگهدهکی مدنی میراثین قورونماسینا کؤمک ائدجگینی بیلدیردی.
یایینلاناجاق سؤزلوگون یالنیز ایرانداکی آذربایجاندا دئییل آذربایجان جمهوریتی، تورکیه و دیگر تورک جمهوریتلرینده لکسیکوگرافی (سؤزلوکبیلیم)، قارشیلاشدیریلمالی ادبیات و قارشیلاشدیریلمالی دیلچیلیک ساحهلرینده آراشدیرما ائدهجکلره جدی بیر قاتقی وئرهجگینه ده دقت چکن پروفسور دکتر تمیزال، سؤزلوگون تورکجه دیوانا صاحب اولان صفوی سلطانی شاه اسماعیلین توربهسینین اولدوغو اردبیلده یایینلاناجاق اولونماسینین دا آذربایجان تورکلری اوچون آیری بیر اؤنم داشیدیغینی بیلدیردی.