کرملین سؤزچوسو دمیتری پسکوو ماکرونون سؤزلرینه جاواب وئریب

روسیه‌ فرانسه‌ پرزیدنتی امانوئل ماکرونون اوکراین ایله باغلی سؤزلرینه جاواب وئریب.

روسیه‌ پرزیدنت سارایینین کرملین سؤزچوسو دمیتری پسکوو، "فرانسه‌ گئتدیکجه اوکراینداکی موناقیشه‌یه سوروکلنیر" دئدی.

کئچن آی ناتو عسگرلرینین اوکراینا یئرلشدیریلمه‌سینی تکلیف ائدن ماکرون دونن «روسیه‌نین اوکراینداکی موحاریبه‌ده غالیب گلمه‌سینین قارشیسینی آلماغا حاضیریق» دئییب.

ماکرون فرانسه‌نین اوکراینا قوشون گؤندره بیله‌جیی موساژینی وئریب.

مسکودان ماکرونون سؤزلرینه جاواب گئجیکمدی. کرملین سؤزچوسو دمیتری پسکوو، "فرانسه‌ آرتیق دولایی یوللا بو موحاریبه‌ده ایشتیراک ائدیر..." دئدی.

ماکرون یؤنتیمینین داها دا موحاریبه‌یه سوروکلنه‌جیینه ایشاره وئردیگینی ایفاده ائدن پسکوو، فرانسه‌نین روسیه‌نی «دوشمن» اولاراق گؤردویونه دیققت چکیب.