فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائتمک اوچون کوچهلره چیخارکن، بیلیمیوردلاریندا دا فیلیسطینه دستک نوماییشلری داوام ائدیر.
هلندده اکثریتی قادینلاردان عیبارت گروپ فیلیسطینلی آنالارا دستک نوماییشی کئچیریب.
روتردام شهرینده مینلرله اینسان کفنه بوکولموش کؤرپه ماکتلری ایله یوروش کئچیریب.
"آنالار سویقیریما قارشی" آدلی یوروشده ایسرائیل علیهینه شعارلار سسلندیریلیب.
آلمانین پایتخاتی برلینده ده فیلیسطینه دستک نوماییشلری کئچیریلیب.
ایسرائیلین غزهیا هوجوملاری و آلمانین ایسرائیله سیلاح ساتیشینا اعتیراض ائدیلیب.
آمریکانین نیویورک شهرینده کئچیریلن یوروشه پولیس موداخیله ائدیب.
پولیس نوماییشی داغیدیب و چوخلو سایدا اینسانی توتوقلاییب.
بیر چوخ اؤلکهده بیلیمیوردو طلبهلرینین فیلیسطینه دستک نوماییشلری داوام ائدیر.
ایرلندده دوبلین بیلیمیوردونون طلبهلری غزه ایله همرای اولدوقلارینی گؤسترمک اوچون بیلیمیوردوندا دوشرگه قوروبلار.
سوئیسین ژنو بیلیمیوردونون طلبهلری رئکتورلوغون «بیلیمیوردونون بوشالدیلماسی» گؤستریشینه باخمایاراق، فیلیسطینه دستک نوماییشلرینی دایاندیرمیر.
لوزان بیلیمیوردونون طلبهلری ده «هامیمیز غزهنین اؤولادلاریییق» شعاری ایله ایسرائیلین غزهده تؤرتدیگی قیرغینا دقت چکیب.