ولادیمیر پوتین سرگئی شویگونو وظیفه‌سیندن آزاد ائدیب
پوتین ایمضالادیغی فرمانلا روسیه فدراسیونو تهلوکه‌سیزلیک شوراسینین کاتیبی نیکولای پاتروشئفی وظیفه‌سیندن آزاد ائده‌رک، اونون یئرینه سرگئی شویگونو تعیین ائدیب
روسیه پرزیدنتی ولادیمیر پوتین کئچمیش باش ناظیرین موعاوینلریندن بیری اولان آندری بلوسوفو مودافیعه ناظیرلیگینه توصیه ائدیب.
روسیه پارلمانینین یوخاری مجلیسی فدراسیون شوراسینین وئردیگی آچیقلامایا گؤره، پوتین صلاحیتلری داخیلینده ناظیرلرین تعییناتی اوچون تعیین ائتدیگی آدلاری پارلمانا تکلیف ائدیب.
پوتین خاریجی ایشلر ناظیرلیگینه حاضیردا بو وظیفه‌ده چالیشان سرگئی لاوروفو توصیه ائدیب و مودافیعه ناظیری مقامینا آندرئی بلوسوفو تعیین ائدیب.
پوتین ایمضالادیغی فرمانلا روسیه فدراسیونو تهلوکه‌سیزلیک شوراسینین کاتیبی نیکولای پاتروشئفی وظیفه‌سیندن آزاد ائده‌رک، اونون یئرینه سرگئی شویگونو تعیین ائدیب.
2012-جی ایلده پوتین طرفیندن روسیه مودافیعه ناظیری تعیین ائدیلن شویگو 2015-جی ایلده ترور تشکیلاتی داعش-ه قارشی موباریزه ز‌مینینده روسیه اوردوسونون سوریه‌یه موداخیله‌سینه شرایط یارادیب و سوریه‌ده‌کی بوتون عملیاتلاری اداره ائدیب.
2022-جی ایل فوریه 24-ده روسیه-اوکراین موحاریبه‌سینین باشلاماسی ایله موناقیشه‌ده روسیه سیلاحلی قووه‌لرینه شخصاً رهبرلیک ائدن شویگو جبهه خطینده‌کی وضعیتله باغلی، روسیه رهبرلیگینه قارشی عوصیان ائدن داها سونرا ایسه میندیگی اوچاق قضایا اوغرایان مزدلو دؤیوشچو «واگنر» قروپونون یارادیجیسی یوگنی پریگوژین طرفیندن سرت بیر شکیلده تنقید اولوندو.
فدراسیون شوراسی می 14-ده پوتینین تکلیف ائتدیگی ناظیرلیک و تهلوکه‌سیزلیک بؤلمه‌سینین دیرئکتورو نامیزدلرینی قیمتلندیرجک.
روسیه پرزیدنتی پوتین، روسیه پارلمانینین یوخاری مجلیسی اولان فدراسیون شوراسی ایله مصلحتلشرک و روسیه پارلمانینین آشاغی مجلیسی دومانین تصدیقی اولمادان یئنی حؤکومتین ترکیبینده خاریجی ایشلر ناظیرینی، مودافیعه ناظیرینی، عدلیه ناظیرینی، فؤق‌العاده حاللار ناظیرینی و داخیلی ایشلر ناظیرینی بیرباشا تعیین ائدیر.
ایلگیلی‌لی خبرلر
اوکراینا پرزیدنتی ایسپانیایا یولا دوشوب
اوکراینا پرزیدنتی ولودیمیر زلنسکی می‌ین 27-ده ایسپانیایا سفر ائده‌جک.
