فرانسه پرزیدنتی: اگر روسیه موحاریبهده غالیب گلسه، اوروپانین اعتیباری صیفره ائنجک
ماکرون: روسیهنین اوکراین ایله موحاریبهده غالیب گلمهسی فرانسهلیلرین حیاتینین دییشهجیی آنلامینا گلهجک
فرانسه پرزیدنتی امانوئل ماکرون «روسیه اوکراینداکی موحاریبهده غالیب گلسه، اوروپانین اعتیباری صیفره ائنجک» دئییب.
فرانس 2 و TF1 تلویزیونلارینین بیرگه یاییمینا قاتیلان امانوئل ماکرون موحاریبهنین حاضیردا اوروپا اراضیسینده اولدوغونو بیلدیررک، "استراسبورگ ایله لووف آراسیندا 1500 کیلومتردن آز مسافت وار. اگر روسیه موحاریبهده غالیب گلسه، اوروپانین اعتیباری صیفره ائنجک." دئدی.
مسکو رهبرلیگینین موحاریبهنی قازانماسی حالیندا تهلوکهسیز اولمایاجاقلارینی و اوروپانین موحاریبهیه حاضیر اولماسی لازیم اولدوغونو ایفاده ائدن فرانسه پرزیدنتی، "بیزیم تک بیر مقصدیمیز وار، روسیه موحاریبهنی قازانا بیلمز و قازانمامالیدیر" دئدی.
2022-جی ایلدن روسیه ایله موحاریبه وضعییتینده اولان اوکراینا حربی گوجلرین گؤندریلمهسی ایله باغلی ماکرون بئله دیرلندیریب: "بوتون بو واریانتلار مومکوندور، بونون اوچون یگانه مسئول مسکو رژیمی اولاجاق."
فرانسهنین اتم سیلاحلارینین فرانسهلیلره تامینات وئردیگینی قییمتلندیرن ماکرون روسیهنین اوکراین ایله موحاریبهده غالیب گلمهسینین فرانسهلیلرین حیاتینین دییشهجیی آنلامینا گلهجیینی بیلدیریب.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب