بمت-نین غزه-ده اؤلدورولن اوشاق لار ایله باغلی آچیقلاماسی

اوکتبرین 7-دن بو یانا ایسراییلین غزه زولاغینا تشکیل ائتدیگی هوجوم‌لاردا اؤلن اوشاق‌لارین سایی‌نین سون 4 ایلده دونیادا گئدن محاربه‌لرده اؤلن اوشاق‌لارین عمومی ساییندان چوخ اولدوغو بیلدیریلیب.

بیرلشمیش میللت‌لر تشکیلاتی‌نین (بمت) یاخین دوغوداکی فیلیسطین‌لی قاچقین‌لار یاردیم و ایش آژانسی‌نین (UNRWA) باش کمیسری فیلیپ لازارینی ایسراییلین غزه-ده حیاتا کئچیردیگی هوجوم‌لاردا هلاک اولان اوشاق‌لارلا باغلی سوسیال مئدیا حسابیندا پای‌لاشیم ائدیب.

ایسراییلین غزه-ده قتله یئتیردیگی اوشاق‌لارلا باغلی ایستاتیستیکلری "شوک ائدیجی" آدلان‌دیران فیلیپ لازارینی ایسراییلین 7 اوکتبردان بری هدف آلدیغی غزه زولاغیندا حیاتینی ایتیرن اوشاق‌لارین سایی‌نین، دونیادا سون دؤرد ایلده اؤلدورولن اوشاق‌لارین عمومی ساییندان چوخ اولدوغونو بیلدیریب.

"بو، اوشاق‌لارا قارشی محاربه‌دیر. اوشاق‌لارین گله‌جگینه قارشی محاربه‌دیر"، - فیلیپ لازارینی قئید ائدیب.

بؤلگه‌ده اؤلن تخمینن 31 مین سیویل وطنداشین 12 مین 300-و اوشاق‌دیر.