کانادا اوکراینایا ایها گؤندره‌جک

کانادا 24 فوریه 2022-جی ایلدن روسیا ایله محاربه وضعیتینده اولان اوکراینایا یئرلی تولیدی اولان 800-دن چوخ اینسانسیز هاوا آراجی (ایها) گؤندرجگینی آچیقلاییب.

کانادا ساوونما ناظیرلیگیندن وئریلن آچیقلامادا اوکراینایا 800-دن چوخ " SkyRanger R70" مدل ایها گؤندریله‌جگی بیلدیریلیب.

آچیقلامادا، عمومی دگری 70 میلیون دو‌لاردان چوخ اولان ایهالارین اوکراینانین ساوونماسینا تحفه وئرجگی قئید ائدیلیب.

آچیقلامادا ایهالارین کشفیات معلومات‌لارینین توپلانماسیندا کریتیک اهمیته مالیک اولدوغو وورغولانیب و بو واسیطه‌لرین ماتئریال‌لارین داشینماسی اوچون ده ایستیفاده اولونا بیله‌جگی بیلدیریلیب.

آچیقلامادا قئید اولونوب کی، بو ایهالار خصوصیله قاران‌لیقدا و الوئریش‌سیز هاوا شرایطینده اوکراینا عسگرلرینه ایستنیلن ایستی‌لیک منبعینی اوزاق فاصله‌دن تانیماغا کؤمک ائده‌جک.

قئید ائدک کی، 2022-جی ایل فوریه‌نین 24-ده روسیا پرزیدنتی ولادیمیر پوتین اوکراینانی ایشغال ائتمک امرینی وئردی و بونونلا دا روسیا-اوکراینا محاربه‌سی باشلادی.