کرملین: ولادیمیر پوتین تورکیهیه سفر ائدجک
دمیتری پسکوو: ایلک نؤوبده روسیه-تورکیه ایکیطرفلی ایلیشکیلری و تیجاری-ایقتیصادی ایشبیرلیییمیزدیر. البته بؤلگهسل مسئلهلر، او جوملهدن اوکراین همیشه موذاکیره اولونور
روسیه باشقانلیق سارایی، کرملین سؤزچوسو، دمیتری پسکوو بیلدیریب کی، دؤولت باشقانی ولادیمیر پوتینین تورکیهیه سفری زامانی ایقتیصادی و تیجارت علاقهلری ایله یاناشی، اوکراین دا داخیل اولماقلا بؤلگهسل مسئلهلر موذاکیره اولوناجاق.
دمیتری پسکوو پوتینین بو آی باش توتماسی گؤزلنیلن تورکیهیه سفری ایله باغلی پایتاخت مسکودا ژورنالیستلره آچیقلامالار وئریب.
پسکوو سفر زامانی دقیق تاریخینین یکونلاشدیقدان سونرا آچیقلاناجاغینی و سفرده گئنیش قونولاردا مسئلهلرین موذاکیره ائدیلهجیینی بیلدیریب، "البته کی، ایلک نؤوبده روسیه-تورکیه ایکیطرفلی ایلیشکیلری و تیجاری-ایقتیصادی ایشبیرلیییمیزدیر. البته بؤلگهسل مسئلهلر، او جوملهدن اوکراین همیشه موذاکیره اولونور." دئدی.
تورکیه ایله روسیه آراسینداکی تیجاری ایلیشکیلره ده توخونان پسکوو: "تورکیه بو مسئلهده چوخ پرینسیپلی و موستقیل مؤوقعی توتان آز ساییلی اؤلکهلر سیراسیندادیر. بیزیمله تیجاری وه ایقتیصادی ایشبیرلییی گلیشتیرمییه داوام ائدیر." دئدی.
کرملین خاریجی سیاست موشاویری یوری اوشاکوو 29 ژانویهده وئردییی آچیقلامادا پوتینین فوریهده تورکیهیه سفری اوچون حاضیرلیقلارین دوام ائتدییینی بیلدیریب.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب